Qytai elinen atamekenine qonys aýdarǵan qandasymyz, belgili aqyn, jazýshy Qajybek Tótekin ómirden ozdy, dep habarlaidy "Ult aqparat".
Qajybek Tótekin - Qytai elindegi qazaqtar arasynda keńinen tanylǵan qalamger.
Ol 1940 jyly 1 jeltoqsanda Qytaidyń Tarbaǵatai aimaǵy Toly aýdany Maily taý baýraiynda dúniege kelgen. Shyǵarmashylyǵyn 1958 jyly «Shuǵyla» jýrnalyna shyqqan «Uly jospar» degen óleńimen bastaǵan. Sodan beri ádebiettiń barlyq janrynda qalam terbegen.
Qajybek Tótekinniń Qytai elinde «Dóńgelengen dúnie» atty áńgime-povester jinaǵy, «Saqabanyń satiralary» esse-áńgimeler jinaǵy, «Serýen sezimder» atty jyr kitaby jaryq kórgen. Budan basqa «Janym saǵan aitaiyn» jyr kitaby, «Boitumar» áńgime-esse kitaby, «Darymaǵan qarǵys» atty óleń romany Qazaqstanda jaryq kórgen.
Biyl «Atasy men Edigeniń qyzyqty hikaialary» atty balalarǵa arnalǵan kitaby men «Osy sharda men barmyn» atty jyr jinaǵy baspaǵa usynylǵan.
Qytai jerinen kóship kelgen jazýshynyń shańyraǵy Almaty oblysyna qonystanǵan.
Talantty jazýshynyń esimi Qytaidaǵy memlekettik «Ádebiet kórkemóner salasyndaǵy áigili adamdar» entsiklopediiasyna, «20-ǵasyr Qytai jazýshylary» entsiklopediiasyna engen. Shyńjań jazýshylar qoǵamynyń, Qazaqstan avtorlar qoǵamynyń múshesi.
