Qazaqstan halqy Assambleiasy Keńesiniń keńeitilgen otyrysynda belgili koých-motivator, KANIKAR club áielder klýbynyń jetekshisi Altyn Kanikar elimizde Analar mektebin qalyptastyrýdy usyndy, dep habarlaidy QazAqparat.
«Kópbalaly analar eshkimge masyl bolǵysy kelmeidi. Óz kásibin ashyp, órbitip, egemen eldiń azamattaryn tárbieleýdi qalaidy.
Memleket tarapynan analar úshin barlyq múmkindikter jasalǵan. «Baqytty otbasy», «Januia», «Analar úii» siiaqty baǵdarlamalar oblystar men qalalarda iske asyrylýda.
Degenmen, qoǵamda analarǵa ulttyq rýhani tárbie berý qajettiligi bar. Sebebi, Ana - ulttyń uiaty. Bizge Analar mektebin qalyptastyrý qajet.
Taraz qalasynda jaqynda ashylǵan «Anaǵa taǵzym» rýhani tárbie ortalyǵy osy maqsatty tolyǵymen qamtyp otyr», - dedi ol.
Onyń málimeti boiynsha, búginde elimizde 33 óńirlik otbasyn qoldaý ortalyǵy jumys isteidi.
«Biz osy ortalyqtardyń bazasynda «Mádenietti ana – mádenietti ult» jobasyn iske asyrýdy usynamyz.
Joba aiasynda analar keńesteri analarǵa ana tilin úiretýdi, elge tanymal analarymyzdy qazaqtyń «tórkindeý» rásimi arqyly jastarǵa nasihattaýdy, otbasy shańyraqtaryn shaiqaltpaý úshin kelin bolýdy, ene bolýdy, balany rýhani tárbieleýge keńes berýdi qolǵa alady.
Osy oraida barlyq óńirlerge Tarazdyń tájiribesin taratýdy jáne «Mádenietti ana – mádenietti ult» jobasyn iske asyrýǵa ákimdikter tarapynan qoldaý kórsetýińizdi suraimyn», - dedi Altyn Kanikar.
Memleket basshysy Qasym-Jomart Toqaev bul baǵyttaǵy bastamany qoldaitynyn aitty.
«Shyn máninde, kópbalaly ana bolý – baqyt. Memleket jáne búkil qoǵam kóp balaly analarǵa járdem berý kerek. Bul jumys úilesimdi bolýy qajet. Memleket jáne analar arasynda ózara senim, ózara jaýapkershilik bolýy kerek. Jumysyńyzdy men qoldaimyn. Bul jumys qoǵamymyzǵa óte qajet. Jalpy oblystarda osyndai ortalyqtar neǵurlym kóp bolsa, soǵurlym jaqsy bolady. Sondyqtan sizge sáttilik tileimin», - dedi Prezident.
