Foto: M. Gorkii atyndaǵy Memlekettik akademiialyq orys drama teatrynan
Tanymal teatr rejisseri, Qazaqstannyń eńbek sińirgen qairatkeri, professor Iýrii Ivanovich Haninga 75 jasqa qaraǵan shaǵynda dúnieden ótti, dep habarlaidy Ult.kz.
"Iýrii Ivanovich sahna sheberi ǵana emes, sonymen qatar shyǵarmashylyǵy Qazaqstannyń teatrlyq landshaftyn ózgertip, shákirtteriniń, áriptesteri men kórermenderiniń júreginde óshpes iz qaldyrǵan naǵyz shabyttandyrýshy boldy" dep eske alady onyń áriptesteri.
"Onyń jumysy tereń maǵynaǵa, estetikalyq talǵampazdyqqa jáne ónerge degen shynaiy súiispenshilikke toly boldy. Ol tek kórnekti rejisser ǵana emes, sonymen qatar aqylshy ustaz. Onyń izish basqan talantty akterler men rejisserler býynyn tárbielep, shyǵarmashylyq rýhty kóterdi, jáne ónerdiń joǵary standartyn saqtap qaldy. Teatr álemi orny tolmas shyǵynǵa ushyrady. Onyń esimi tarihta máńgi qalady, al onyń shyǵarmashylyǵy qoiylymdarda, estelikterde jáne onyń óneri shabyttanǵandarǵan kórermenderdiń júreginde máńgi qalady", -dep jazady M. Gorkii atyndaǵy Memlekettik akademiialyq orys drama teatry baspasóz qyzmeti.
Sondai-aq teatr ujymy: "Iýrii Ivanovichtiń týystary men jaqyndaryna, onyń shákirtterine, áriptesterine jáne onymen jumys isteý qurmetine ie bolǵandardyń barlyǵyna kóńil aitamyz. Ol týraly estelik jarqyn bolsyn, al onyń murasy máńgilik bolsyn", -dep jazǵan.
Iýrii Ivanovich Haninga-Beknazar 1949jyly 11 aqpanda Óskemen qalasynda dúniege kelgen. Ol teatr akteri, teatr rejisseri, pedagog, professor. Qazaqstan Respýblikasynyń eńbek sińirgen qairatkeri jáne "Qurmet" ordeniniń iegeri.
1967 jyldan bastap Óskemende balalar sport mektebinde jattyqtyrýshy, dene tárbiesi muǵalimi, orta mektepte orys tili men ádebieti muǵalimi bolyp jumys istedi. 1971 jyly Óskemen pedagogikalyq institýtynyń filologiia fakýltetin "orys tili men ádebieti muǵalimi" mamandyǵy boiynsha bitirdi.
Foto:archive.np.kz
1973 jyldan bastap Qazaqstannyń birqatar teatrlarynda akter, rejisser, bas rejisser, kórkemdik jetekshi bolyp jumys istedi. 1982 jyly B. V. Shýkin atyndaǵy teatr ýchilishesiniń rejisserlik fakýltetin bitirgen. Ol halyq ártisi, professor A.M. Polamishevtan tálim alǵan.
2000 jyldan bastap akterlik sheberlikten, 2004 jyldan bastap Qazaq ulttyq óner ýniversitetinde drama teatrynyń rejissýrasynan sabaq beredi, professor. Onyń tikelei basshylyǵymen jáne qatysýymen akterlik óner jáne rejissýra kafedrasy (keiinnen — kino, teledidar jáne teatr kafedrasy) quryldy.
V. Voinovichtiń "Ivan Chonkin" spektakli 1990 jyly úzdik spektakl bolyp tanyldy. Haninga "Kaligýla" A. Kamiý (Pavlodar), "Romeo jáne Djýletta" (Almaty), "Gamlet" (Almaty), "Tartiýf" (Astana), "Neke" N. V. Gogol (Bishkek) jáne taǵy basqa qoiylymdary arqyly kórermen júreginde qaldy.
Foto: Jambyl oblystyq orys drama teratrynan
Iýrii Haninga eńbek etken teatrlar: A. P. Chehov atyndaǵy Pavlodar drama teatry, Jambyl atyndaǵy Shyǵys Qazaqstan drama teatry, B. Rimova atyndaǵy Taldyqorǵan drama teatry, A. N. Ostrovskii atyndaǵy Oral orys drama teatry, M. Iu. Lermontov atyndaǵy orys drama teatry, Qazaq memlekettik M. O. Áýezov atyndaǵy akademiialyq drama teatry, M. Gorkii atyndaǵy orys drama teatry.
