Jetisý oblysynda jyl basynan beri alkogol ónimderin satý talaptaryn buzýdyń 60-qa jýyq deregi anyqtaldy, dep habarlaidy ult.kz.
Polisia.kz málimetinshe, «Zań men tártip» qaǵidatyn iske asyrý aiasynda óńirde alkogol ónimderin ótkizý salasyndaǵy zań talaptarynyń saqtalýyn baqylaýǵa baǵyttalǵan turaqty reidter júrgizilip keledi.
Kezekti quqyq buzýshylyq Alakól aýdanyndaǵy dúkenderdiń birinde tirkeldi. Tekserý barysynda satýshynyń alkogol ónimderin zańda belgilengen ýaqyttan tys satqandyǵy anyqtaldy. Osy derek boiynsha quqyq buzýshy ákimshilik jaýapkershilikke tartyldy.
Jyl basynan beri óńirde alkogol ónimderin ruqsat etilmegen ýaqytta satýǵa qatysty 40-qa jýyq quqyq buzýshylyqtyń joly kesilgen.
Politsiia ókilderiniń aitýynsha, alkogol ónimderiniń zań talaptaryna sai satylýyn baqylaý qoǵamdyq tártipti saqtaý, quqyq buzýshylyqtardyń aldyn alý jáne turǵyndardyń qaýipsizdigin qamtamasyz etý maqsatynda júrgiziledi.
Osyǵan bailanysty tártip saqshylary kásipkerler men saýda oryndarynyń ielerin Qazaqstan Respýblikasy zańnamasynyń talaptaryn qatań saqtaýǵa shaqyrdy. Aldyn alý jáne reidtik is-sharalar aldaǵy ýaqytta da jalǵasady.
