Belarýs sportshysy Kristina Timanovskaia otbasymen Polshada ekenine qaramastan, qaýipsizdigine alańdaitynyn aitty, - dep habarlaidy Tengrinews.kz.
Bul týraly jeńilatlet japondyq NHK telearnasyna bergen ekskliýzivti suhbatynda aitqan.
Timanovskaia suhbatynda Polshada ony únemi kúzetip júretinin jáne syrtqa erkin shyǵýǵa bolatynyna senimdi emes ekenin aitty.
"Men únemi kúzetpen júrýim kerek. Syrtqa shyqsam, qaýipsizdikte bolatynyma senimdi emespin", - dedi sportshy.
Ol óz oqiǵasyn aidyń basynda Ýkrainada óli tabylǵan "Ýkrainadaǵy Belarýs úiiniń" basshysy Vitalii Shishov isimen bailanystyrdy.
Sondai-aq, sportshy sporttyq mansabyn otandastaryna, sonyń ishinde jýrnalisterge, sportshylarǵa jáne saiasi tutqyndarǵa qoldaý kórsetý úshin jalǵastyrǵysy keletinin aitty.
Timanovskaia Belarýste ótken prezidenttik sailaýdyń ádil ótpegeni, halyqtyń daýys berý nátijeleri burmalanǵanyna bailanysty Polshada jáne basqa elderde ótetin marafonǵa qatysýǵa úmitti ekenin aitty.
Aita keteiik, 2 tamyzda Timanovskaia 200 metr qashyqqa júgirýden startqa shyǵýy kerek edi, alaida qurama ókilderi ony jibermei qoiǵan. Taiaýda Kristina 4h400 metrlik estafeta quramasyna engizilgeni úshin Belarýstiń sport sheneýnikterin synap tastaǵan edi.
Belarýs Ulttyq olimpiada komiteti Tokio Olimpiadasynda respýblikanyń jeńil atletikadan ulttyq komandasynyń jattyqtyrýshylar shtaby sportshyny úige qaitarý týraly sheshim qabyldaǵanyn aitty. Sportshynyń oiynnan shyǵarylý sebebi onyń emotsionaldyq jáne psihologiialyq jaǵdaiy dep ataldy. Timanovskaianyń ózi dáriger ony teksermegenin jáne jattyqtyrýshylar shtaby aitqan sebepterdi jalǵan dep atady.
Keiin Otanyna oralýdan bas tartqan belorýs sportshysy Kristina Timanovskaiany Polsha qabyldaýǵa daiyn ekenin jetkizdi.
