Almaty qalasynyń sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin koronavirýstyń «iota» shtamy qanshalyqty qaýipti ekendigin aitty, dep habarlaidy QazAqparat.
Onyń aitýynsha, «iota» shtamy qart adamdar arasynda koronavirýstan qaitys bolý deńgeiin arttyrýy múmkin.
«Iota» ótken jyldyń qarashasynda Niý-Iorkte tabylǵan. Onyń juqpalylyǵy Ýhan virýsyna qaraǵanda 15% joǵary. Búginde qaýipti shtamm álemniń 27 elinde anyqtaldy. Bul shtamm týraly kóptegen málimetter bar. Dúniejúzilik densaýlyq saqtaý uiymy da alańdap otyr. Kóbinese 65 jastan asqan adamdar zardap shegedi»,- deidi Jandarbek Bekshin.
Spiker «delta» shtamynyń juqpalylyǵy Ýhan shtamynan úsh ese joǵary ekenin tilge tiek etti. Sondyqtan qazirgi ýaqytta koronavirýstyń «delta» shtamy «iota» shtamyna qaraǵanda qaýipti.
«Búginde «delta» «iotany» yǵystyrdy, sonymen qatar AQSh-ta da basym. Bizdiń mindet - el keńistigin basyp qalǵan «deltanyń» neǵurlym juqpaly shtamyna qarsy turý», - dep atap ótti ol.
