Búgin Almatyda onlain brifing barysynda qalanyń bas sanitarlyq dárigeri Jandarbek Bekshin «Almaty qalasynda koronavirýstyq infektsiia aýrýlarynyń aldyn alý jónindegi odan arǵy sharalar týraly» qaýlysyn tanystyrdy, dep habarlaidy "Ult aqparat".
Atap aitqanda, qaýlyda Almaty qalasyna shetelden aviareistermen keletin adamdarǵa qatysty qadamdyq shekteý sharalary aiqyndaldy:
1) Qazaqstan Respýblikasynyń azamattary bolyp tabylmaityn adamdar QR RMemlekettik shekarasyn kesip ótken sátte 72 saǵattan erte emes iriktelgen PTR ádisimen COVID-19 -ǵa testileýden ótkeni týraly anyqtama (budan ári-anyqtama) bolmaǵan kezde kirgizilmeidi;
2) Qazaqstan Respýblikasynyń kelgen azamattary anyqtama bolmaǵan jaǵdaida, PTR ádisimen COVID-19-ǵa zerthanalyq tekserý úshin karantindik statsionarǵa 2 táýlikke oqshaýlaýǵa jatady.
Osy sharalardy iske asyrý úshin Almaty qalasy Qoǵamdyq densaýlyq basqarmasy:
- infektsiialyq statsionarda anyqtamanyń bolýyna qaramastan dene qyzýy joǵary adamdardy oqshaýlaýǵa mindetteledi. COVID-19-da oń nátije alǵannan keiin olar indetke shaldyqqan naýqastarǵa arnalǵan statsionarǵa aýystyrylady. Sondai-aq, karantindik statsionarlarda jolaýshylardy baqylaý qolǵa alynbaq;
- PTR teris nátijelerin alǵannan keiin azamattar karantindik statsionarlardan dereý shyǵarylady;
Almaty qalasynyń ákimdigi, Almaty qalasy qalalyq mobildik basqarmasy, «Almatyelektrotrans» JShS:
1) Anyqtamasyz shetelden kelgen Qazaqstan Respýblikasynyń azamattaryn Almaty halyqaralyq áýejaiynan karantindik statsionarǵa deiin tasymaldaýǵa mindetteledi.
3. Almaty qalasy týrizm basqarmasy, Almaty qalasy kásipkerlik jáne investitsiialar basqarmasy:
1) Qazaqstan Respýblikasyna shetelden keletin tulǵalarǵa qoiylatyn talaptardyń ózgergeni týraly týroperatorlardy habardar etýge;
2) karantindik statsionarlardy Anyqtamasyz kelgen halyqaralyq reisterdiń jolaýshylaryn qabyldaýdy anyqtaýy jáne daiyndaýy (turmystyq jaǵdailar, aýyz sýmen jáne ystyq tamaqpen qamtamasyz etý) tiis.
4. Almaty qalasy halyqaralyq áýejaiynyń ákimshiligi:
- Áýejai qyzmetteri men vedomstvolardyń fýnktsionaly boiynsha (politsiianyń jelilik bólimi, Shekara qyzmeti, sanitarlyq-epidemiologiialyq qyzmet) jáne t. b. ózara is-qimyl algoritmin ázirleý jáne bekitýge;
- ár reisten keiin áýe kemelerin, áýejai terminaldarynyń barlyq úi-jailaryn dezinfektsiialaýǵa;
- áýe kemesinen tirkeýden, otyrǵyzýdan jáne túsirýden ótý kezinde jolaýshylar arasyndaǵy qaýipsiz qashyqtyqty (keminde 1 metr) jáne betperde rejimin saqtaýǵa;
- «COVID-19 áýejai» chatyna anyqtamalary joq jolaýshylar sany týraly málimetter usynýǵa mindetteledi.
5.Áýejai politsiiasynyń jelilik bólimi jáne Almaty PD karantindik statsionarlarǵa emdeýge jatqyzýǵa jatatyn adamdardy esepteýdi, otyrǵyzýdy qamtamasyz etýi tiis.
6.Shekara qyzmeti basqarmasyna, áýejaidyń sanitarlyq-karantindik pýnktine:
1) shekaralyq baqylaý barysynda jolaýshylardyń tolyp ketýine jol bermeý maqsatynda 30-40 adamnan turatyn jolaýshylardy kezeń-kezeńimen túsirýdi, sondai-aq pasporttyq baqylaýdyń barlyq 14 kabinasynyń jumysyn retteýi qajet;
2) jolaýshylardy eki sanatqa bóle otyryp, PTR testileriniń bolýyn tekserýi (№1 sanat-PTR testileri bar, № 2 sanat-PTR testileri joq);
3) áýejai terminalynda №1 sanattaǵy jolaýshylardy halyqaralyq ushyp kelýdiń negizgi zalyna qyzmettik kólikpen jiberýi;
4) № 2 sanattaǵy jolaýshylardy arnaiy bólingen kólikpen tasymaldaý qyzmeti agentiniń alyp júrýimen halyqaralyq ushyp kelýdiń qosymsha zalyna jiberýi;
5)№ 2 sanattaǵy jolaýshylardy shekaralyq baqylaýdy ótkennen keiin karantindik statsionarda oqshaýlaý úshin aldyn ala daiyndalǵan arnaiy kólikke jiberýi tiis.
7. «Ulttyq saraptama ortalyǵy» sharýashylyq júrgizý quqyǵyndaǵy respýblikalyq memlekettik kásipornynyń Almaty qalasy boiynsha filialy
1) shetelden anyqtamasyz kelgen Qazaqstan Respýblikasynyń azamattaryn PTR ádisimen COVID-19-ǵa zerthanalyq zerttep-qaraýdy;
2) synamalar jetkizilgen sátten bastap 8-12 saǵat ishinde PTR ádisimen COVID-19-ǵa zerthanalyq zerttep-qaraý nátijesin berýdi;
3) PTR ádisimen COVID-19-ǵa tekserý nátijelerin berý merzimin qysqartý úshin komissiiasynyń ruqsatyn alǵan zerthanalardy tartýdy.
4) PTR diagnostikasynyń synamalaryn alý úshin meditsinalyq litsenziiasy bar sýbektiler tartý qamtamasyz etýi qajet.
