Almaty qalasynyń memlekettik bas dárigeri Jandarbek Bekshin qalada koronavirýs juqtyrǵandar sany nelikten artyp ketkenin túsindirdi, dep habarlaidy "Ult aqparat".
«Ótken táýlikte qala boiynsha 31 jaǵdai tirkeldi. Táýliktegi ósim kórsetkishi 1,1% qurady. Jalpy kúndelikti ósim kórsetkishi 4,8 %-dan asqan joq. Kúndelikti ósim kórsetkishi mańyzdy. Qala boiynsha 2 647 jaǵdai tirkeldi. Profilaqtikalyq tekserý kezinde 747 oqiǵa anyqtaldy, bul - 28,5%. Meditsinalyq uiymdarǵa ózderi kelgenderden 78 jaǵdai anyqtaldy, bailanysta bolǵandardar sany – 1 790», - dedi Jandarbek Bekshin.
Sonymen qatar, ol 1 627 naýqastyń jazylyp shyqqanyn atap ótti.
«Indet juqtyrǵandardyń 8-9% jumys isteitinder, zeinetkerler – 1,6%, jumys istemeitinder – 4,6%, balalar – 1,8%. Senbi kúni qala boiynsha 117 jaǵdai tirkeldi. Onyń sebebi kóptegen jumys oryndary ashylyp, jumysshylar testileýden ótti. Sonyń arqasynda virýs juqtyrǵandardy der kezinde anyqtadyq. Iaǵni, munyń bári profilaktikalyq jumystyń arqasynda anyqtalyp otyr», - deidi Jandarbek Bekshin.
