Bek Air ushaǵy apatqa ushyraǵan kezde qaza tapqan ushqysh Meiirjan Moldaqulovtyń otbasyna 4 mln teńge beriledi. Asqar Maminniń tiisti qaýlysy "Ashyq NQA" portalynda jariialandy.
"2019 jylǵy 27 jeltoqsanda Almaty oblysynyń Talǵar aýdanynda bolǵan áýe apatynan qaza tapqan ushqysh Mirjan Gainýlovich Mýldakýlovtyń jubaiy Zaýresh Nýrgalievna Mýldakýlovaǵa 2021 jylǵy 29 sáýirdegi ótinishi negizinde qarjylai kómek kórsetýge Qazaqstan Respýblikasynyń Eńbek jáne halyqty áleýmettik qorǵaý ministrligine 2021 jylǵa arnalǵan respýblikalyq biýdjette kózdelgen Qazaqstan Respýblikasy Úkimetiniń shuǵyl shyǵyndarǵa arnalǵan rezervinen 4000000 (tórt million) teńge somasynda qarajat bólinsin", - delingen habarlamada.
Eske sala ketsek, 2019 jyldyń 27 jeltoqsanynda Almaty mańynda Bek Air áke kompaniiasynyń ushaǵy apatqa ushyrady. Saldarynan 12 adam qaitys boldy. Al ushqysh Meiirjan Moldaqulov bolsa, qaiǵyly oqiǵadan bir ai ótkennen keiin, aýrýhanadan shyǵarylǵan soń kóz jumǵan edi.
