Astanada saýda bazarynyń aldynda 47 jastaǵy áieldiń denesi tabyldy. Oqiǵa 7 qazan kúni keshki ýaqytta bolǵan, dep habarlaidy ult.kz.
Oqiǵa ornynan túsirilgen video áleýmettik jelilerde tarady.
Astana politsiia departamentiniń málimetinshe, áieldiń denesinen zorlyq-zombylyq belgileri anyqtalmaǵan. Aldyn ala boljam boiynsha, onyń jaǵdaiy kúrt nasharlap, jedel járdem brigadasy kelgenge deiin qaitys bolǵan.
«Qazirgi ýaqytta tergeý júrgizilip jatyr», – dep habarlady politsiianyń baspasóz qyzmeti.
Astana qoǵamdyq densaýlyq saqtaý basqarmasy meditsina qyzmetkerleri oqiǵa ornyna kelgende áieldiń óli kúide jatqanyn jáne biologiialyq ólimdi tirkegenin málimdedi.
Marqumnyń denesi politsiia qyzmetkerlerine tapsyryldy.
Aita keteiik, buǵan deiin Astanada 30 jastaǵy áieldiń ólimine qatysty tórt politsiia qyzmetkeri jumysyna salǵyrt qarady degen kúdikpen ustalǵanyn habarlaǵan edik.
