Foto: E-history.kz
«Kazakh Tourism» ulttyq kompaniiasy Baiqońyr keshenin zymyran ushyrýmen ǵana emes, týrizmmen de tanymal orynǵa ainaldyrýdy kózdep otyr. Bul týraly basqarma tóraǵasynyń mindetin atqarýshy Daniel Serjanuly Qyzylorda oblysynyń ákimdigi men týristik indýstriia ókilderimen ótken kezdesýde málimdedi, dep habarlaidy Ult.kz.
Vizit-ortalyq ashý, zymyran ushyrý arasyndaǵy kezeńderge arnalǵan týristik ónimder jasaý, jańa ornalastyrý oryndaryn ashý – Baiqońyrdyń týristik áleýetin arttyratyn negizgi baǵyttar.
Daniel Serjanuly atap ótkendei, Baiqońyrda týrizmdi damytý úshin bazalyq infraqurylym qalyptastyrý asa mańyzdy.
«Basty qadam – vizit-ortalyq ashý. Ol tek aqparattyq-navigatsiialyq núkte ǵana emes, keshenniń mádeni jáne bilim berý qundylyǵyn tanytatyn alań bolady», – dedi ol.
Týristik tujyrymdama jobasy Baiqońyrdaǵy týrizmdi:
-
Elimizdiń mádeni jáne bilim berý kún tártibine engizýdi,
-
Týristik ekojúieni qalyptastyrýdy,
-
Zymyran ushyrýdan tys ýaqytta da saiahatshylar aǵynyn turaqtandyrýdy kózdeidi.
Qyzylorda oblysy ákimdiginiń dereginshe, 2024 jyldyń basynan beri Baiqońyrdy 4 myńǵa jýyq týrist tamashalaǵan. Jyl basynan beri 3 zymyran ushyrylǵan, jyl sońyna deiin taǵy 3 ushyrý josparlanyp otyr.
Bul bastama Baiqońyrdy tek ǵarysh ailaǵy emes, jańa týristik brendke ainaldyrýǵa baǵyttalǵan.
