AQSh áskerinde jumys istegen aýdarmashy Aman Halili men onyń otbasy Aýǵanstannan kóshirildi. Olar áýeli Pákistanǵa jetip, sol jerden qaýipsiz elge ótken, dep habarlady ABC News.
2008 jyly Halili AQSh prezidenti Djo Baidendi qutqarýǵa kómektesti. Sol kezde Baiden senator bolǵan.
Baiden men taǵy eki senator Aýǵanstanǵa saparlap kelgen. Olardyń tikushaǵy qarly boranǵa tap bolǵan. Birneshe adam olardy qutqarýǵa attanǵan. Solardyń arasynda Halili de bolǵan. Qutqarýshylar senatorlardy qaýipsiz aýdanǵa alyp shyqqan.
2021 jylǵy tamyzda AQSh áskerge kómektesken aýǵan azamattaryn evakýatsiialaǵan ýaqytta, Halili arnaiy immigratsiia vizasyn ala almaǵan. Sodan keiin ol Baidenge amerikalyq BAQ arqyly ótinish jasady. "Meni jáne otbasymdy qutqaryńyz", - dep jazdy aýdarmashy.
Halili men taǵy eki júz aýǵan azamatyn "qaýip aýmaǵynan" alyp shyqqan Human First Coalition uiymy Pákistan premer-ministri Imran Han men AQSh memlkettik departamentiniń birneshe qyzmetkerine kómegi úshin alǵys aitty.
