«Nur Otan» partiiasy Tóraǵasynyń Birinshi orynbasary Baýyrjan Baibek aikyn.kz-ke bergen kólemdi suhbatynda Elbasynyń óz prezidenttik ókilettigin toqtatýyna bir jyl tolýyna orai óz oiyn ortaǵa salyp, Nursultan Nazarbaevtyń Qazaqstannyń qalyptasýyndaǵy róli jaiynda keńinen áńgime órbitti. Sondai-aq álemdi sharpyǵan koronavirýstyń órshýine bailanysty partiia tarapynan jurtshylyqqa kómek qolyn sozý boiynsha qolǵa alynǵan sharalardy da tilge tiek etti.
Partiia tóraǵasynyń Birinshi orynbasary búginde álemniń búkil eli derlik koronavirýspen belsendi kúres júrgizip jatqanyn, bul indettiń bizdi de ainalyp ótpegenine toqtaldy. Adamdardyń qalypty tirshiligi ózgerdi – elimizde alǵash ret tótenshe jaǵdai engizildi, eki iri qalada karantin jariialandy. Premer-Ministrdiń tóraǵalyǵymen Memlekettik komissiia qalyptasqan ahýalǵa orai tiisti sharalardy qabyldaýda.
«Sonymen birge biz tap osy tusta aýyzbirshilik kórsetip, óz qaýipsizdigimiz ben jaqyndarymyzdyń amandyǵy úshin jaýapkershilik tanytýymyz kerek. Koronavirýspen kúrestiń tiimdiligi árqaisymyzǵa, árbir azamattyń sanaly áreketine bailanysty bolmaq. Sondyqtan osynaý qiyn kezeńde Elbasy, «Nur Otan» partiiasy Tóraǵasynyń bastamasymen erekshe muqtaj qazaqstandyqtarǵa jáne pandemiiamen kúreste aldyńǵy shepte júrgen dárigerlerge qoldaý kórsetý úshin respýblikalyq aktsiia bastaldy» - dedi Baýyrjan Baibek.
Eske sala keteiik, aktsiia aiasynda Tuńǵysh Prezident Qory 200 million teńge bóldi. Bul qarajat meditsina qyzmetkerlerine syilyqaqy berýge, qosymsha meditsinalyq maskalar men zalalsyzdyndyrǵysh quraldar satyp alýǵa jumsalady. Qarajattyń bir bóligi balalar úileri men mamandandyrylǵan aýrýhanalardy azyq-túlikpen qamtamasyz etýge baǵyttalady.
«Nur Otan» óz kezeginde «Kedergisiz keleshek», «Baqytty otbasy» jáne «Ardagerlerdi ardaqtaiyq» partiialyq jobalary aiasynda muqtaj jandardy antiseptikalyq quraldarmen jáne birinshi kezekte qajetti taýarlarmen qamtamasyz etý úshin 150 mln. teńge bóldi. Partiianyń Ortalyq apparaty men filialdarynyń qyzmetkerleri osy aktsiiany qoldap, virýspen kúreske ózderiniń bir kúndik jalaqylaryn aýdardy.
Oqyrmandar suhbatpen tolyǵyraq aikyn.kz saitynan tanysa alady: https://aikyn.kz/b-bajbek-elbasy-bastaghan-agha-urpaq-eldikti-qajta-zhangghyrtty-memleketimiz-engsesin-tiktedi-senimi-nyq-ertengi-eren-ult-bolyp-ujystyq/
