Aktrisa jáne prodiýser Baian Alagózova burynǵy jubaiy Baqytbek Esentaevtyń merziminen buryn shartty túrde bosatylýy jaily pikir bildirdi, dep habarlaidy "Ult aqparat".
Shoý biznes ókili bul jańalyqqa qýanǵanyn jáne ol úshin 2022 jyl aitýly oqiǵalarǵa toly bolǵanyn atap ótti.
"Biylǵy jyl men úshin óte mańyzdy boldy: nemerem dúniege keldi, turmystyq zorlyq-zombylyq týraly filmim álemdi zor jetistikpen sharlap júr, qazirgi jubaiyma qatysty ádildik ornady. Al búgin burynǵy jubaiym Baqytbek Esentaevtyń shartty túrde merziminen buryn bosatylatyny belgili boldy. Bir ai buryn onyń suraýy boiynsha men onyń bosatylýyna qarsy emespin degen ótinishke qol qoidym, sot ótinishimdi qanaǵattandyrdy jáne ol kóp uzamai bostandyqqa shyǵady. Men óte qýanyshtymyn jáne oǵan shyn júrekten densaýlyq pen bar jaqsylyqty tileimin! Ózim úshin, otbasym úshin, balalarym men nemerelerim úshin! Qudaiǵa shúkir!", - dep jazdy prodiýser Instagram paraqshasynda.
Eske salaiyq, búgin Baqytbek Esentaev merziminen buryn bostandyqqa shyǵatyny belgili bolǵan edi. Ol 6 jyl 1 ai 2 kún qamaýda otyrdy.
