Batysqazaqstandyq kásipker, oblystyq máslihat depýtaty Nurǵazy Sátbaev «Biz birgemiz!» aktsiiasyna qoldaý bildirip, arnaiy qorǵa 10 mln teńge aýdardy, dep habarlaidy QazAqparat tilshisi.
«Nur Otan» partiiasy oblystyq filialynyń baspasóz qyzmetinen túsken málimetke qaraǵanda, N.Sátbaev – óńirge tanymal kásipker, «Uniserv» JShS bas direktory.
BQO máslihatyndaǵy «Nur Otan» partiiasy depýtattyq fraktsiiasynyń múshesi N.Sátbaev – óńirdiń qoǵamdyq-saiasi ómirine, qaiyrymdylyq sharalaryna belsene aralasatyn halyq qalaýlylarynyń biri.
Depýtat buǵan deiin de áleýmettik jaǵynan az qamtylǵan birneshe otbasyna qolushyn sozyp, úi salyp bergen bolatyn.
Eske sala keteiik, budan buryn Oralda koronavirýs anyqtaldy dep jalǵan habar taratqan áieldiń ustalǵanyn, jolaýshylar tasymalyna shekteý engiziletinin jazǵan bolatynbyz.
