Batys Qazaqstan oblysynda koronavirýs juqtyrǵandar sany kóbeiip barady, dep habarlaidy "Ult aqparat".
BQO taýarlar men kórsetiletin qyzmetter sapasy men qaýipsizdigin baqylaý departamentiniń baspasóz qyzmetinen alynǵan málimetke qaraǵanda, kúni búginge deiin 544 adam aýyrsa, sonyń 269-y jazylyp shyqty.
Qazirgi tańda 275 adam oblystyq juqpaly aýrýlar aýrýhanasynda emdelýde. Sondai-aq 20 adam provizorlyq, 511 adam karantindik statsionarda jatyr. Úilerinde oqshaýlanǵan 1276 adam dárigerlerdiń baqylaýynda.
BQO ákimdigi málim etkenindei, óńirde sońǵy tirkelgen 51 adamnyń (ósim – 10,1 paiyz) 27-si – Teńiz ken ornynan kelgen oblys turǵyndary.
Sondai-aq 10 adam buryn koronavirýs juqtyrǵandarmen qarym-qatynasta bolǵan. 12 adamnan profilaktikalyq maqsatta synama alynǵan kezde anyqtaldy.
Taǵy eki adam – Reseide jumys isteitin Shymkent qalasynyń turǵyndary. Olar «Tasqala» avtoótkelinen ótken kezde karantindik statsionarǵa jatqyzylǵan.
Oblysta indetke qarsy kúres jalǵasýda.
