Batys Qazaqstan oblysynda 24 eldi meken elektr jaryǵynsyz qaldy, dep habarlaidy "Ult aqparat".
BQO Tótenshe jaǵdailar departamentiniń baspasóz qyzmetinen túsken málimetke qaraǵanda, segiz aýdanda barlyǵy 3112 abonent jaryqsyz qaldy.
Atap aitqanda, Báiterek aýdanynda - 1596 abonent, Qaztalovta - 260, Aqjaiyqta - 523, Jańaqalada - 96, Terektide - 396, Shyńǵyrlaýda - 14, Syrymda - 45, Bórli aýyldarynda 182 abonent tosyn jaǵdaiǵa tap boldy.
BQO TJ departamentinde jedel shtab jumys istep jatyr. Qiyn jerlerge shuǵyl kómek jiberilýde.
Boranǵa bailanysty respýblikalyq jáne oblystyq mańyzy bar 11 jol jabyldy.
Tasqala, Aqjaiyq jáne Báiterek aýdandarynda 21 tehnika qar qursaýynda qaldy.
Kesheden beri dalada jáne qar qursaýynda qalǵan adamdardy qutqarý jumystary júrgizilýde.
Apattyq-qutqarý jáne kezek kúttirmeitin kómek jumystaryna 77 adam, 50 tehnika tartylǵan.
