Búgin Grýziianyń Batými qalasynda bes qabatty turǵyn úi opyrylyp qulady, dep habarlidy QazAqparat Grýziia Jańalyqtary agenttigine silteme jasap.
Batýmidiń ortalyǵyndaǵy bes qabatty korpýs búgin tús ýaqytynda qirady. Ǵimarat 26 mamyr jáne Abashidze kósheleriniń arasynda ornalasqan.
Qirandylar astynda qalǵan avtokólikten áiel men onyń 6-7 jasar balasy shyǵaryldy.
BAQ-tyń habarlaýynsha, balanyń jaǵdaiy qanaǵattanarlyq, oǵan oqiǵa ornynda jedel járdem dárigerleri kómek kórsetti.
Qutqarýshylar qirandylardy krannyń kómegimen kóterýde. Qazirdiń ózinde úiindi astynan birneshe adam shyǵaryldy. Sonymen qatar ǵimarattyń janynda turǵan 10 avtokólik basylyp qalǵan.
Keibir kýágerlerdiń aitýynsha, úidiń opyrylyp qulaýyna jarylys sebep bolǵan.
«Pirveli» telekompaniiasynyń málimetinshe, ǵimarattyń qiraǵan bóliginde 12 páter bolǵan. Kórshiles ǵimarattarda da jaryqtar paida bolǵan.
Úidiń qulaý sebebin resmi organdar ázirge aitpady. Oqiǵa saldarynan qaza tapqandar bar dep boljanady, alaida ázirge olardyń sany týraly da málimet joq.
