Skrinshot: Janbolat Mamai onlain feisbýk paraqshasynan
Almaty qalasy Boraldai yqsham aýdany turǵyndary kósheleri batpaqqa batyp jatqanyn aityp, Alataý aýdany ákimi Talǵat Malybaevqa shaǵymdanýda. Bul týraly Janbolat Mamai onlain feisbýk paraqshasy habarlaidy.
Áleýmettik jelide aitylǵandai Arshyn kóshesiniń turǵyndary jáne Alaman, Osmanova, Ǵalymbaeva esimdi turǵyndar jan aiqaiyn jetkizdi.
"Mine osy joldardan-aq turǵyndardyń qalai zardap shegip jatqanyn anyq baiqaýǵa bolady. Alataý aýdanynyń ákimi taǵaiyndalǵanyna mine 7-8 aidai bolyp qaldy. Aýdan ákimi Talǵat Malybaevqa suraq qoiǵymyz keledi. Siz nemen ainalysyp jatyrsyz? Turǵyndardyń qandai deńgeide ómir súrip jatqanyn, qandai joldarmen júretininen habaryńyz bar ma? Jalpy Boraldai yqsham aýdanyna baratyn oiyńyz bar ma? Turǵyndardyń janaiqaiyna qulaq asatyn oiyńyz bolsa aita otyryńyz. Turǵyndar da kútip otyr sizdi. Qashan keledi, myna ákim bizge qashan qaraidy dep. Talǵat Malybaev myrza oianyńyz. Mine, oqýshylardyń sabaqtan qandai kúide keletinin qarańyz! Sýmkalary da, ústińgi kiimderi de, tipti aiaq kiimderiniń ózderi de balshyq bolyp keledi. Balshyq bolmaý múmkin emes, sebebi myna jerde adam túgili mashinanyń ózi jaiaý júrýi qiyn", -deidi feisbýk paraqshasynda.
"Júrý múmkin emes, jedel járdem de kele almaidy" dep shaǵymdanǵanǵandar jol buryn jaqsy bolǵanyn, ony óz kúshterimen jasap alǵandaryn, alaida bárin buzyp ketkenderin aityp otyr. Sondai-aq turǵyndar joldarymen únemi júk kóligi júretinin, aiaqqa rezeńke etiksiz júrý múmkin emes ekenin aitady.
