QR Bas sanitar dárigeriniń jańa qaýlysy boiynsha 12 jastan asqan balalarǵa Ashyq qosymshasyn paidalanýǵa ruqsat etiletin boldy, dep habarlaidy QazAqparat.
«Oblystardyń, Nur-Sultan, Almaty, Shymkent qalalarynyń ákimderi, «Atameken» ulttyq kásipkerler palatasy 12 jastan asqan balalardyń kompiýter klýbtary, tsirk, kinoteatr, balalardyń saýyqtyrý ortalyǵy, oblysaralyq jáne qala aralyq týristik tasymaldarǵa Ashyq qosymshasy arqyly erikti túrde tirkele otyryp kirýin qamtamasyz etsin», - dep jazylǵan qujatta.
Sondai-aq, atalmysh sanatqa Ashyq qosymshasynan bólek EGOV mobile, Aitu platformasyndaǵy balamany, Kaspi.kz, Halyk Bank, Sberbank.kz qosymshalary arqyly ashyq.kz saityna erikti túrde tirkelýge bolatyny aitylǵan.
Eske salsaq, Bas sanitardyń qaýlysy boiynsha Almatyda demalys kúngi shekteýler kúsheitilgen bolatyn.
«Qaladaǵy epidemiologiialyq jaǵdai truaqtanǵan jaǵdaida karantindik sharalardy jeńildetýdi engizý tiisinshe aǵymdaǵy jylǵy 4 jáne 6 qyrkúiekten bastalsyn», - dep jazyǵan qaýlyda.
