Túrkistan oblysynda BAQ ókilderimen kezdesý uiymdastyryp, oblys ákimi Ómirzaq Shókeev pen elimizdiń bas sanitary Jandarbek Bekshin tilshilerdiń suraqtaryna jaýap berdi, – dep habarlaidy Ult aqparat.
Kezdesýde Túrkistan oblysynyń ákimi Ómirzaq Shókeev aldaǵy úsh kúnde evakýatsiialyq qabyldaý ortalyqtarynyń jumysyn kúsheitip, gýmanitarlyq kómek berý sharasy jalǵasatynyn atap ótti. Sondai-aq, Arys qalasyndaǵy nysandar qalpyna keltirilip, turǵyndardyń jaǵdaiy jasalatynyn jetkizdi.
Brifing barysynda sóz alǵan elimizdiń bas sanitary Jandarbek Bekshin jarylys bolǵan temirjolshylar qalasynda dezinfektsiia jumystary júrgiziletinin aitty.
«Qoǵamdyq oryndar, qoqys konteinerleri, nysandar tolyq tazalanady. Qaladaǵy aýyz sý júiesi qatań qadaǵalanady. Sý quramy, qubyrlar tekseriledi. Evakýatsiialyq oryndarda da mamandarymyz jumys istep jatyr. Jalpy Túrkistan oblysynda epidemiologiialyq jaǵdai turaqty» Jandarbek Bekshin.
Sonymen qatar veterinar mamandar Arystaǵy úi aýlasynda qalǵan tórt túlik boiynsha jumys júrgizetinin jetkizdi. Ólgen mal zalalsyzdandyrylyp, zańǵa sáikes ótemaqy berý joldary qarastyrylady.
