Foto: QR Bas prokýratýrasy
Bas prokýratýra 19 naýryzda ótetin Májilis jáne máslihattar depýtattaryn sailaý aldyndaǵy tynyshtyq kúni talaptaryn eske saldy, dep habarlaidy "Ult aqparat" vedomstvonyń baspasóz qyzmetine silteme jasap.
"Búgin saǵat 24:00-de sailaý aldyndaǵy úgit jumystarynyń kezeńi aiaqtalady. Erteń, 18 naýryzda jáne daýys berý kúni – 19 naýryzda kez kelgen úgitti júrgizýge tyiym salynady («Qazaqstan Respýblikasyndaǵy sailaý týraly» Konstitýtsiialyq zańnyń 32-baby).
14 naýryzdan BAQ-ta saýalnama nátijelerin, sailaý nátijeleriniń boljamdaryn, sailaýǵa, kandidattardy qoldaýǵa daýys berýge bailanysty ózge zertteýlerdi jariialaýǵa da jol berilmeidi.
Mundai saýalnamany daýys berýge arnalǵan úi-jaida nemese pýnktte júrgizýge bolmaidy («Qazaqstan Respýblikasyndaǵy sailaý týraly» Konstitýtsiialyq zańnyń 28-babynyń 9-tarmaǵy)", - dedi Bas prokýrordyń orynbasary Jandos Ómiráliev Ortalyq sailaý komissiiasynyń otyrysynda.
Onyń aitýynsha, saýalnamany tirkelgen jáne Ortalyq sailaý komissiiasyn jazbasha túrde habardar etken zańdy tulǵalar ǵana sailaý ýchaskelerinen shyǵa beriste júrgize alady.
"Atalǵan saýalnamalardyń nátijelerin BAQ-da daýys berý kúninen keiin, iaǵni 2023 jylǵy 20 naýryz saǵat 00:00-den bastap jariialaýǵa ruqsat etiledi.
Konstitýtsiialyq zańnyń osy talaptaryn oryndamaý Ákimshilik quqyq buzýshylyq týraly kodekstiń 102 jáne 120-baptarynda kózdelgen jaýaptylyqqa ákep soǵady.
Atalǵan zań talaptary Parlament Májilisi depýtattarymen qatar, barlyq deńgeidegi máslihattar depýtattarynyń kezekten tys sailaýyna da qatysty" - deidi Bas prokýrordyń orynbasary.
Sondai-aq, Ómirálievtiń sózinshe, Sailaý zańnamasynyń normalaryn saqtaýda erekshe ról sailaý komissiialarynyń múshelerine júkteledi.
"Zańda olardyń kelesidei áreketteri úshin jaýapkershilikteri kózdelgen:
- azamattardyń sailaýshylar tizimimen tanysý quqyǵyn buzýy nemese daýystardy sanaý bastalǵannan keiin olarǵa ózgerister engizýi;
- azamattarǵa basqa adamdardyń atynan daýys berý múmkindigin berý maqsatynda daýys berý úshin biýlletenderdi usynýy;
- daýys berý qorytyndylary týraly málimetterdi usynbaýy.
Bul ákimshilik jaýaptylyqqa ákep soǵady (106-bap - eskertý nemese 30 AEK aiyppul, 121-bap - 25 AEK aiyppul, 110-bap - 25 AEK aiyppul, 119-bap - 25 AEK aiyppul)" - deidi ol.
Al qylmystyq jaýaptylyq Qylmystyq kodekstiń 150-babymen - sailaý quqyqtaryn júzege asyrýǵa kedergi jasaǵany úshin (100 AEK aiyppuldan 4 jylǵa deiin bas bostandyǵynan aiyrýǵa deiin) jáne 151-babymen, iaǵni sailaý qujattaryn burmalaǵan nemese daýystardy durys eseptemegen (4 jylǵa deiin bas bostandyǵynan aiyrýǵa deiin) jaǵdaida týyndaidy.
Tolyǵyraq myna jerden oqi alasyzdar.
