19 aqpanda Rýzahýnovty tergeý organy jábirlenýshi dep tanydy.
"Qazir is boiynsha Almaty qalasy, Almaty oblysy Politsiia departamenti, UQK ShQ qyzmetkerleri men meditsina qyzmetkerlerinen jaýap alyndy, alaida birqatar sebepke bailanysty kúdiktilerdi anyqtaý ázirge múmkin emes (beinejazbalar, kelýshiler men jetkizilgen adamdardy tirkeý jýrnaldary joq, barlyq qyzmetker betperde kigen, onyń ishinde meditsinalyq betperde kigender de bolǵan)", - dedi Bas prokýratýra ókilderi.
Sondai-aq, oblystyq Politsiia departamentinen Rýzahýnovtyń oqiǵasyna qatysy bar barlyq qyzmetkerdiń sýreti talap etilgeni belgili boldy.
"Rýzahýnov qajetti tergeý áreketterin júrgizý úshin birneshe ret tergeý organyna shaqyryldy. Qazirgi ýaqytta qaýipsizdik sharalaryn qamtamasyz ete otyryp, elge kelýi týraly kelissóz júrgizilip jatyr", - dedi Qazaqstannyń Bas prokýratýrasy ókilderi.
Sotaldy tergeý jalǵasyp jatyr jáne Almaty oblysy prokýratýrasynyń baqylaýynda.
Eske salaiyq, 7 qańtarda Almatydaǵy tártipsizdikter kezinde mýzykant Almaty oblysynda ustalǵan bolatyn. Ol Qyrǵyzstanǵa bet alǵan. Rýzahýnovtyń ókinetinin aityp, keshirim suraǵan vidosy tarady. Bostandyqqa shyqqannan keiin Vikram Rýzahýnov qysym men soqqyǵa jyǵylǵanyn málimdedi. Onyń aitýynsha, saldarynan ol aýyr dene jaraqatyn alǵan, bul saraptama qorytyndysymen dáleldengen.
