Qazaqstannyń Bas prokýratýrasy kásipker Anatolii Balýshkinniń Reseide izdeýiniń toqtatylǵany týraly aqparatqa túsinikteme berdi, - dep habarlaidy Tengrinews.kz.
"Bas prokýratýrada kásipkerdi Resei Federatsiiasy aýmaǵynda izdestirýdiń toqtatylǵany týraly aqparat joq. Qazirgi ýaqytta kúdikti azamattyń azamattyǵy ózgerýine bailanysty mán-jailardy tergeý organy tekserip jatyr", - dep habarlady departamentten.
Tergeýdi QR Qarjy monitoringi agenttigi, Ulttyq qaýipsizdik komiteti men Ishki ister ministrligi qyzmetkerlerinen quralǵan vedomstvoaralyq top júrgizip jatyr. Sotqa deiingi tergeý Qylmystyq kodekstiń 190-babynyń 4-bóliginiń 2-tarmaǵy boiynsha qarjyny jymqyrdy degen kúdikpen "Aziia Avto" AQ kompaniialar tobynyń basshylaryna qatysty júrgizildi.
"2021 jyl 28 shildede A.M. Balýshkinniń ("Aziia Avto" AQ kompaniialar tobynyń bas aktsioneri jáne direktorlar keńesiniń tóraǵasy) is-áreketi qylmystyq kodekstiń 190-baby, 4-bóligi, 2-tarmaǵy boiynsha saralandy, oǵan qatysty sot syrttai kúzetpen ustaý túrindegi bultartpaý sharasyna sanktsiia berdi. 2021 jyldyń 12 tamyzynda halyqaralyq izdeý jariialandy", - dep tolyqtyrdy Bas prokýratýra.
