Eldegi tártipsizdikterge bailanysty «aýyr» jáne «asa aýyr» qylmystar boiynsha 695 sotqa deiingi tergeý bastaldy, dep habarlaidy QazAqparat.
Bul týraly QR Bas prokýrorynyń aǵa kómekshisi Azamat Sarǵazin ortalyq kommýnikatsiialar qyzmetinde ótken brifingide aitty.
«Aýyr jáne asa aýyr qylmystar boiynsha 695 sotqa deiingi tergep-tekserý bastaldy. Onyń ishinde 44 - terrorizm aktileri boiynsha, 15 – kisi óltirý boiynsha, 6 is - nasihattaý faktileri jáne bilikti basyp alýǵa shaqyrý boiynsha. Kúdikti retinde 780 adam ustaldy. Onyń 695-in sot qamaqqa aldy. Bul isterdiń aýyr jáne asa aýyr qylmystar sanatyna jatatynyna taǵy da nazar aýdaryǵym keledi», - dedi Bas prokýrordyń aǵa kómekshisi.
