Bas prokýratýra azamattardy zańnamany múltiksiz saqtaýǵa, arandatýshylyqqa boi aldyrmaýǵa, jalǵan habarlamalarǵa den qoimaýǵa jáne resmi aqparat kózderine ǵana senýge shaqyrdy, dep habarlaidy "Ult aqparat" vedomstvonyń saityna silteme jasap.
«Sońǵy kezderi BAQ pen áleýmettik jelilerde arandatýshylyq jáne jalǵan materialdardy taratý jaǵdailary jiilep ketti. Mundai aqparattyq habarlar vaktsinalaý men bosqyndardyń kelýinen bastap, til máselesine deiingi ártúrli taqyryptardy qamtidy. Jalǵan jariialanymdar bolyp jatqan oqiǵalardy burmalaidy, halyqty jańylystyrady.
Mysaly, jekelegen adamdar dárigerler men ǵalymdardyń quzyretti pikirlerin elemei, COVID-19 vaktsinalarynyń qaýiptiligi men tiimsizdigi týraly negizsiz jariialaidy.
Keibireýler Konstitýtsiiada kepildik berilgen azamattardyń quqyqtary men bostandyqtaryna – shyǵý tegine, ultyna jáne tiline bailanysty kemsitýshilikke jol berilmeitinine ashyq túrde qol suǵady.
Sonymen qatar atalǵan quqyqtar men bostandyqtardy buzý jáne shekteý, kórineý jalǵan aqparat taratý Qylmystyq kodekstiń 145, 174, 274-baptary boiynsha qylmystyq jaýaptylyqqa ákep soǵady», delingen habarlamada.
Bas prokýratýra azamattardy zańnamany múltiksiz saqtaýǵa, arandatýshylyqqa boi aldyrmaýǵa, jalǵan habarlamalarǵa den qoimaýǵa jáne resmi aqparat kózderine ǵana senýge shaqyrady.
