Hockeyarchives.info saity osy maýsymnyń qorytyndysy boiynsha Eýropanyń úzdik 250 klýbynyń dástúrli reitingin usyndy. Oǵan Qazaqstan ókilderi de kirdi, dep habarlaidy Sports.kz.
«Barys» ótken jylmen salystyrǵanda on oryn joǵary kóterilip, toǵyzynshy oryndy ielendi jáne osy tizimniń TOP-10-na kirgen tarihtaǵy alǵashqy Qazaqstan klýby atandy. «Saryarqa» 171-shi orynda bolsa, «Torpedo» —181-shi, «Arlan» — 201-shi, «Ertis» — 216-shy, «Almaty» —221-shi, «Beibarys» —234-shi orynda tur.
Máskeýlik TsSKA shvedtik «Lýleo» komandasyn basyp ozyp, reitingte kósh bastap tur. Alǵashqy úshtikti qazandyq «Ak Bars» tuiyqtady.
Eske salaiyq, ótken maýsymda «Barys» Gagarin kýbogynyń shirek finalyna shyǵyp, novosibirlik «Sibir» komandasymen oinaýy tiis edi. Alaida, elordalyq klýb elimizde engizilgen TJ rejimine bailanysty QHL plei-off oiynynan shyǵýǵa týra keldi.
