Premer-Ministrdiń orynbasary Eraly Toǵjanov halyqaralyq olimpiadalardyń jeńimpazdary men kolledj túlekterine qandai qoldaý jasalatynyn aitty, dep habarlaidy QazAqparat.
«Kolledjde oqýǵa niet bildirgen 9-synyp túlekterin 100 paiyzǵa tegin oqýmen qamtý josparlanyp otyr. Jyl saiyn 9-synyptan keiin 30 myń bala kolledjderde aqyly negizde oqýda. Olardyń birazy qarjylyq qiyndyqtarǵa bailanysty kolledjdi bitirmesten, oqýyn tastap ketetin jaǵdailar joq emes», - dedi Eraly Toǵjanov Úkimettegi onlain baspasóz máslihatynda.
Onyń aitýynsha, jastardyń, ásirese az qamtylǵan otbasylardyń balalaryn qoldaý maqsatynda oqýǵa niet bildirgen barlyq 9-synyp túlekterine kolledjderde tegin bilim alýǵa múmkindik jasalady.
