Niý-Iorktegi Taims-skver alańyna jaqyn jerde bolǵan pyshaqty shabýyl saldarynan Bank of America vitse-prezidenti Erin Piachenti qaza tapty, dep habarlaidy, dep habarlaidy ult.kz.
Bloomberg Niý-Iork politsiiasyna silteme jasap habarlaǵandai, shabýyldan taǵy bir adam zardap shekken. Al kúdikti áiel politsiia oǵynan jaralanyp, keiin aýrýhanada kóz jumdy.
LinkedIn málimetine sáikes, Erin Piachenti bankte múddeler qaqtyǵysyn retteý máselelerine jaýap bergen.
Niý-Iork politsiia departamentiniń málimetinshe, Piachenti alǵan pyshaq jaraqatynan aýrýhanada qaitys bolǵan.
Politsiia komissary Djessika Tishtiń aitýynsha, 49 jastaǵy Pamela Sisneros eki pyshaq ustap alyp, Batys 41-shi kóshe men Jetinshi aveniý qiylysynda áielimen birge joldan ótkeli turǵan Rod-Ailendten kelgen 68 jastaǵy týristke jaqyndaǵan. Ol er adamnyń ish tusyna pyshaq suqqan.
Zardap shekken er adam aýrýhanaǵa jetkizildi. Qazir onyń jaǵdaiy turaqty.
Odan keiin Sisneros Jetinshi aveniýmen soltústikke qarai júrip, shamamen 20 sekýndtan keiin 42-shi kóshe mańynda Erin Piachentidiń de ish tusyna pyshaq suqqan.
Politsiia qyzmetkerleri shabýyl jasaǵan áieldiń jolyn 42 jáne 43-shi kóshelerdiń arasynan bógep, shamamen tórt minýt boiy qarýyn tastaýǵa kóndirýge tyrysqan.
Komissardyń aitýynsha, áiel politseilerge qarýyn tastamaitynyn jáne olardy óltiretinin aitqan. Sisneros politseilerge qarai bettegen kezde qyzmetkerler oǵan elektroshoker qoldanǵan. Alaida bul ony toqtata almaǵan.
Sodan keiin eki politsiia qyzmetkeri qarý qoldanyp, shabýyl jasaǵan áieldi jaralaǵan. Sisneros aýrýhanaǵa jetkizilip, sol jerde kóz jumdy.
Niý-Iork politsiiasynyń muraǵatynda Sisnerosqa qatysty psihikalyq aýytqýshylyqqa bailanysty 2018 jáne 2019 jyldary tirkelgen eki jaǵdai bar.
Politsiia komissarynyń aitýynsha, tergeýshiler bul shabýyldy terakt dep sanaýǵa negiz tappaǵan.
