Jansaqtaý bóliminen qashyp shyqqan er adamnyń esimi - Qanat. Ol 58 jasta eken. Naýqastyń áieli – Shynar bolǵan jaǵdaidyń barlyǵyn búkpesiz baiandap berdi, dep habarlaidy Ekspress K.
Naýqastyń áieliniń aitýynsha, onyń kúieýi Balqashtyń ortalyq aýrýhanasyna 14 shilde kúni túsken.
"Ol qatty qaltyrap terledi. Búkil tósegi dymqyl boldy. Odan keiin aýrýhanaǵa apardy. Kelesi kúni dáriger qan qysymynyń óte tómen ekenin, ony kótere almai jatqandaryn aitty. Biz Qaraǵandyǵa jiberýdi ótinip edik, biraq olar bas tartty. Óitkeni, apparattar óshirilse óletinin aitty", — deidi Shynar.
Keiin dárigerler syrqattanǵan er adamnyń týystaryna taǵy da jaǵymsyz jańalyqty jetkizgen.
"Emdeýshi dáriger, familiiasy esimde joq, kúieýimde onkologiia, iaǵni asqazanynda isik baryn jáne qazirdiń ózinde irińge tolyp ketkenin ashyq aitty. Sondyqtan jaqsylyqqa úmit artpańyz degendei syńai tanytty. Emdeýshi dáriger de, meńgerýshi de ony sońǵy ret kórýimizge ruqsat bermedi", — deidi áieli.
Osylaisha jany qinalǵan Qanat jansaqtaý bóliminen jalańash kúide qashyp ketedi. Keiin kóshede kezdesken taksi júrgizýshisine jaǵdaiyn aityp, ózi aitqan meken-jaiǵa jetip alǵan eken. Qazirgi tańda naýqas meditsinalyq saraptamadan ótip jatyr. Taiaýda Qaraǵandy qalasyna baryp qaita qaralmaq. Al atalǵan shýly jaǵdaiǵa qatysty oblystyq densaýlyq saqtaý basqarmasynyń Balqash aimaqtyq ókildigi mynadai habarlama jariialady.
"Atalǵan naýqas Balqash qalasynyń ortalyq aýrýhanasyna aýyr jaǵdaida jetkizildi. Naýqastyń qan qysymy sol sátte óte tómen deńgeide bolǵandyqtan dereý reanimatsiiaǵa aýystyryldy. Shuǵyl meditsinalyq kómek kórsetilgennen keiin naýqastyń jaǵdaiy turaqtaldy. Mamandar (ish qurylysyna KT jáne FGDS) tekserip, nátijesinde aýrýdyń asqynǵanyn jáne jaǵdaiy qaita nasharlaýy múmkin ekenin eskertti. Aýrýhana ákimshiligi azamattyń týystaryna naýqastyń densaýlyǵyn nazarǵa alýdy jáne teris aqparatty jariialaýǵa jol bermeýge shaqyrady", — delingen habarlamada.
