Almaty oblysynyń TJD Balqash aýdanyndaǵy órtti sóndirý jalǵasyp jatqanyn málim etti, dep habarlaidy "Ult aqparat".
Departamenttiń baspasóz qyzmetiniń málimetinshe, 16 sáýirde Jeltorańǵy aýyldyq okrýgindegi dala órti sóndirildi. Eske sala ketseik, Jeltorańǵy aýylynan 25 shaqyrym jerde shamamen 45 gektar jerde qurǵaq shóp pen qamys órtengen bolatyn.
Búgingi jaǵdai boiynsha 15 sáýirde bastalǵan qurǵaq shóp pen qamystyń janý oshaǵy Aqkól jáne Jideli aýyldyq okrýgterinde tirkeldi. Úshinshi oshaq 15 sáýirde bastalǵan Qaroi aýylynyń mańynda bastalǵan.
Balqash aýdanynda órtti sóndirýge Almaty oblysy TJD, Orman sharýashylyǵy, Qazaviaormanqorǵaý jáne jergilikti atqarýshy organdardyń 94 adamy men 6 tehnikasy jumyldyryldy. Janý alańy áli de naqtylanyp jatyr.
Táýligine eki ret Qazaviaormanqorǵaý qyzmetkerleri aýdan aýmaǵyndaǵy janý oshaqtaryn aerovizýaldy tekseredi.
10-15 sáýir aralyǵynda qamys pen qýraǵan aǵashtyń janýy saldarynan Balqash aýdanynyń sharýa qojalyqtary men demalys bazalary órtten zardap shekti.
Qaroi aýylynan 65 shaqyrym jerde Ile ózeniniń tómengi aǵysynda sharýa qojalyqtarynyń biriniń aýmaǵynda jalpy aýdany 400 sharshy metr 4 qonaq úi, balyq qoimasy, 2 qaiyq, 1 motor órtendi. Qurǵaq shóptiń janý alańy anyqtalyp jatyr. Órtti sharýa qojalyǵynyń qyzmetkerleri sóndirdi. Nátijesinde sharýa qojalyǵynyń jumysshysy, 1959 jyly týǵan er adamnyń beti men qolyn kúiik shalǵan (10%). Jaǵdaiy ortasha dárejede, Almaty qalasynyń tórtinshi qalalyq aýrýhanasyna jatqyzyldy.
12-14 sáýir aralyǵynda Jeltorańǵy aýyldyq okrýginde órtten 5 sharýa qojalyǵy zardap shekti. Órtten 2 qalqa, 3 ýaqytsha – qora, ÝAZ avtokóligi janyp ketti. Sondai-aq, 11 jylqy men basqa da mal órtendi. Onyń naqty sany naqtylanyp jatyr. Sondai-aq Qaroi aýyldyq okrýginiń Jideli aýylynan 25 shaqyrym jerde demalys aimaqtarynyń biriniń aýmaǵynda 3 motorly qaiyq órtenip ketti.
Qazir qurylǵan oblystyq komissiia órttiń jalpy aýdany jáne keltirilgen materialdyq zalaldy eseptep jatyr.
Almaty oblysynyń TJD azamattardy órt qaýipti kezeńde órt qaýipsizdigi erejelerin saqtaýǵa shaqyrady.
