QR Bilim jáne ǵylym ministri Ashat Aimaǵambetov oýshylardyń sabaqqa mektep formasymen barǵanyn qoldaityndyǵyn aitty, dep habarlaidy "Ult aqparat".
«Mektep formasyn kerek emes dep alyp tastady, degen aqparat shyǵyp jatyr. Bul shyndyqqa sáikes kelmeidi. Negizinde mindetti mekteptiń formasy jáne bizdiń tiisti buiryǵymyz kúshin joiǵan joq ári ol qalady. Biz oqýshylardyń mektep formasymen sabaqqa kelgenin quptaimyz. Biraq, pandemiia saldaryna bailanysty mektep formasymen kelýge múmkindik bolmasa, iaǵni satyp ala almasa, basqa da dáleldi sebepteri bolsa, onda olarǵa klassikalyq úlgidegi kiimmen sabaqqa kelýge ruqsat berildi. Sondyqtan osy sheshimdi durys túsiný kerek», - dedi Ashat Aimaǵambetov Tengrinews.kz aqparattyq portalyna bergen suhbatynda.
Sonymen qatar ministr jańa oqý jylynda balalarynyń sabaqqa mektep formasymen baratyndyǵyn basa aitty.
«Biz sheshim qabyldadyq jáne balalar da munymen kelisip otyr. Sabaqqa mektep formasymen baramyz. Menińshe, bul qolaily, tipti bir jaǵynan únemdi de. Qai jaǵynan alyp qarasaq da oń tusy kóp. Sondyqtan ózim tolyqtai da mektep formasyn qoldaimyn. Árine, bul jerde óte kóp pikirtalas bolýy da múmkin», - dedi ol.
