Balalarǵa koronavirýsqa qarsy vaktsina bilim berý uiymdarynyń egý pýnktterinde salynady. Bul týraly densaýlyq saqtaý ministri Aleksei Tsoi málimdedi, - dep habarlaidy Tengrinews.kz agenttigi.
"Balalardy vaktsinalaý burynnan oqý ornyndaryndaǵy egý pýnktterinde, iaǵni bilim berý uiymdarynda júrgiziledi. COVID-19-ǵa qarsy vaktsinatsiia bilim berý uiymdarynda jáne respýblikanyń egý pýnktteri jelisinde de júrgizildi. Vaktsinalaý ata-analardyń nemese kámeletke tolmaǵandar men jasóspirimderdiń basqa da zańdy ókilderiniń erikti túrde kelisiminen keiin ǵana júzege asady", - dedi Tsoi Úkimet otyrysynda.
Ol premer-ministrden oblystardyń, Almaty, Nur-Sultan jáne Shymkent qalalarynyń ákimdikterine ministrliktermen birlesip, pedagogterdi, kámeletke tolmaǵandardyń ata-analary men ózge de zańdy ókilderin, jasóspirimderdi koronavirýsqa qarsy vaktsinalaý máseleleri boiynsha habardar etýdi, sondai-aq egý pýnktterin Sanitariialyq qaǵidalarǵa sáikes daiyndaýdy, vaktsinanyń birinshi partiiasy kelip túskenge deiin muzdatqysh jabdyq ornatýdy, vaktsinalardy tasymaldaý, saqtaý jáne qoldaný qaǵidalaryn saqtaýdy, meditsina qyzmetkerlerin daiarlaýdy qamtamasyz etýdi tapsyrýdy surady.
