Qazaqstanda biylǵy jyldyń basynan beri áleýmettik jeliler men onlain platformalarda zańsyz ári balalardyń qaýipsizdigine qater tóndiretin 27 631 material anyqtaldy, dep habarlaidy ult.kz.
ul týraly Mádeniet jáne aqparat ministri Aida Balaeva depýtattyq saýalǵa bergen jaýabynda málimdedi.
Ministrdiń málimetinshe, anyqtalǵan quqyq buzýshylyqtardyń basym bóligi onlain kazino qyzmetin nasihattaýǵa qatysty. Mundai materialdardyń sany 13 806-ǵa jetken.
Sonymen qatar monitoring barysynda:
esirtkini nasihattaityn – 7 448;
pornografiialyq sipattaǵy – 6 034;
sýitsidti nasihattaityn – 172;
kámeletke tolmaǵandardyń densaýlyǵy men damýyna ziian keltiretin – 119;
zorlyq-zombylyqty nasihattaityn 52 material anyqtalǵan.
Zańsyz jáne balalar úshin qaýipti kontent eń kóp Instagram áleýmettik jelisinde tirkelgen. Onda 9 532 quqyq buzýshylyq anyqtaldy.
Odan keiin:
"VKontakte" – 8 503;
YouTube – 3 340;
Telegram – 3 018;
TikTok – 2 820 quqyq buzýshylyqpen tirkelgen.
Aida Balaevanyń aitýynsha, Mádeniet jáne aqparat ministrligi balalardy, onyń ishinde onlain oiyndardaǵy qaýipterden qorǵaý tetikterin kúsheitý maqsatynda halyqaralyq tájiribeni zerdelep, iri onlain platformalarmen konsýltatsiialar júrgizip jatyr.
Sondai-aq vedomstvo zańsyz kontentti jedel joiý jáne kámeletke tolmaǵandardyń quqyqtary men múddelerine nuqsan keltiretin materialdardyń taralýyna jol bermeý úshin onlain platformalar ákimshilikterimen ózara jumysty jalǵastyratynyn málimdedi.
