Prezident Qasym-Jomart Toqaev oqýyn tastap ketetin balalar máselesi týraly aitty. Ol Úkimetke bul máseleni sheshýdi tapsyrdy, - dep habarlaidy "Ult aqparat" Tengrinews.kz agenttigine silteme jasap.
"Taǵy bir másele týyndady, buny "qiyndyq" dese de bolady. Balalar oqýyn tastap ketip jatyr. Sebebi onyń qajettiligin kórmeidi. Men Úkimetke bul máseleni baiypty túrde sheshýdi tapsyramyn. Ásirese, qashyqtan oqytý formatyna arnalǵan aqparattyq júieler sapasyn arttyrý arqyly. Bilim berý qoljetimdi jáne inkliýziv bolýy kerek", - dedi Memleket basshysy.
Prezidenttiń atap ótýinshe, pandemiia kezindegi qashyqtan oqytý qorytyndysy ulttyq telekommýnikatsiia jelisi tiimdiliginiń jetkiliksizdigin kórsetip bergen.
«Bul bazalyq qarapaiym bilimi joq oqýshylardyń úlken leginiń paida bolýyna alyp keldi», - dedi Toqaev.
Onyń aitýynsha, jaǵymdy jańalyqtar da joq emes.
"Biyl birneshe qazaqstandyq mektep oqýshysy birden halyqaralyq týrnir olimpiadasynyń jeńimpazdary men júldegerleri atandy. Mundai daryndy balalarǵa qoldaý qajet. Biz olarǵa joǵary oqý oryndaryna konkýrstan tys negizde oqýǵa túsý úshin granttar beremiz, bir jolǵy tólem taǵaiyndaimyz. Balalardy tárbielegen muǵalimderdi moraldyq jáne materialdyq jaǵynan yntalandyrý kerek", - dedi ol.
