Almaty qalasynyń №15 emhanasynyń dárigeri Móldir Ákimjan Óńirlik kommýnikatsiialar qyzmetiniń baspasóz máslihatynda balalar mýtatsiialanǵan «delta» nusqanyń paida bolýyna bailanysty koronavirýspen jii aýyra bastaǵanyn aitty, dep habarlaidy QazAqparat.
«Balalar eresekterge, qarttarǵa virýs juqtyrady, olar úshin virýs óte qaýipti. Sondai-aq, kez kelgen infektsiia bir jasqa deiingi sábilerge qaýip tóndiredi. Sondyqtan, eger otbasynda kishkentai náreste bolsa, ony ainalasyndaǵylardyń bári COVID-19-ǵa qarsy egilgeni jón. Koronavirýs balalarda jii aýyr bolatynyn túsiný kerek. Pandemiia bastalǵannan beri álemde 9 myń bala osy aýrýdan qaitys boldy», - dedi dáriger.
Pediatrdyń aitýynsha, aýrý kezinde keibir balalarda asqynýlar bolýy múmkin, mysaly, kóp júieli qabyný sindromy, uzaqqa sozylǵan joǵary dene qyzýy.
Dáriger vaktsinalanǵan adamdardyń sany neǵurlym kóp bolsa, virýstyń taralýy men mýtatsiia yqtimaldyǵy az bolatyndyǵyn tilge tiek etti. «Delta» - balalarǵa bastapqy «Ýhan» virýsyna qaraǵanda jii juǵady.
Móldir Ákimjan sozylmaly aýrýlary bar balalardy vaktsinalaý óte mańyzdy ekenin aitty.
Qoǵamdyq densaýlyq basqarmasynyń málimetinshe, Almatyda 2 947 jasóspirim vaktsina saldyrdy.
