QR Oqý-aǵartý miinstri Ashat Aimaǵambetov mektepke deiingi uiymdardy litsenziialaý qalai júrgiziletinin túsindirdi, dep habarlaidy QazAqparat.
«2011 jyldan beri balabaqshalar jumysyn bastaý úshin litsenziia almaidy, tek qana jumysyn bastaǵany týraly habarlama beredi. 2021 jylǵa deiin olar memlekettik baqylaý iaǵni attestattaýdan da tolyǵymen bosatylǵan. Litsenziiadan bosatý týraly sheshim jekemenshik sektordyń jyldam damýyna, balabaqshamen qamtýdy 99 paiyzǵa jetkizýge áser etti. Biraq, sonymen qatar, ol sapany qamtamasyz etýge de teris áserin tigizdi», - dep atap ótti ministr Úkimettiń búgingi otyrysynda.
Ministr sońǵy kezderi balabaqshalardyń jumysy boiynsha ata-analardyń aryzdary jiilep ketkenin aitty.
«Osyǵan qarai, 2021 jyly memlekettik baqylaýdy qaita engizdik. Onyń nátijeleri de problemalardy kórsetip otyr, balabaqshalardyń 80%-y baqylaýdan óte almady. Olar attestatsiiadan ótpeýine bailanysty, formaldy túrde jabylady, biraq litsenziia boiynsha talap bolmaǵanan keiin sol ǵimaratta, sol problemalarmen qaita ashylyp jumysyn jalǵastyra beredi. Osyǵan orai, balalardyń qaýipsizdigin qamtamasyz etý, tárbie sapasyn arttyrý, maqsatynda balabaqshalardy kezeń-kezeńmen litsenziialaý engiziledi», - dedi Aimaǵambetov.
Sáikesinshe, jańadan ashylatyn balabaqshalar endi litsenziia alyp, barlyq talaptarǵa sai ekenin kórsetip jumysyn bastaityn bolady.
Al qazir jumys istep jatqan balabaqshalar, táýekelderdi basqarý júiesi negizinde kezeń-kezeńmen litsenziialanady.
Eske sala ketsek, Úkimettiń keńeitilgen otyrysynda Memleket basshysy Qasym-Jomart Toqaev jekemenshik balabaqshalardy litsenziialaý tártibi qaita engiziletinin aitqan edi.
