Balabaqshadaǵy sapa men mazmun máselesine erekshe mán beriledi. Bul týraly «Bilim jáne ǵylym – eldiń turaqty damýynyń kepili» taqyrybyndaǵy pedagogterdiń Respýblikalyq tamyz konferentsiiasynyń plenarlyq sessiiasynda QR Bilim jáne ǵylym ministri Ashat Aimaǵambetov málim etti, dep habarlaidy QazAqparat.
«Balalardy erte damytý máseleleri biz úshin erekshe mańyzǵa ie. Biz kóbinese sandyq kórsetkishterge mán berip, balalardy qamtýǵa kóńil bólip, al sapa men mazmun baǵytyna tiisti deńgeide nazar aýdarýǵa múmkindik bolǵan emes. 3 jastan 6 jasqa deiingi balalardy mektepke deiingi bilimmen qamtý 2021 jyly 98,1%-ǵa jetkennen keiin, sapa men mazmun máselesine nazar aýdarý kerek dep oilamyn», - dedi ministr.
Onyń aitýynsha, jańa oqý jylynan bastap Memleket basshysynyń tapsyrmasy boiynsha balabaqshalarda mektepke deiingi bilim berýdiń jańa modelin engizý bastalady. Bul úshin Memlekettik standartqa ózgerister engiziledi jáne «oiyn arqyly oqytý» qaǵidaty negizinde Úlgilik oqý baǵdarlamalary qaita qaralady.
Sonymen qatar, jekemenshik balabaqshalardy damytýdy yntalandyrý vaýcherlik tetikti engizý jolymen jalǵasatyn bolady.
