«Nur Otan» paritiasynyń Shyǵys Qazaqstandaǵy músheleri elordada ótetin partiianyń kezekti sezine delegattar sailady, dep habarlaidy QazAqparat tilshisi.
Óskemende «Nur Otan» partiiasy oblystyq filialynyń konferentsiiasy ótti. Partiia ókilderi astanada ótetin kezekten tys sezge qatysatyn delegattardy sailady. Jiynda «Nur Otan» qolǵa alǵan «Baqytty otbasy», «Qutty meken», «Halyqqa kómek», «Aýyl - el besigi» atty jobalardyń qalai júzege asyp jatqany talqylandy.
Oblystyq filial tóraǵasynyń birinshi orynbasary Ánýarbek Muhtarhanovtyń aitýynsha, "Halyqqa kómek" jobasy boiynsha 3000 adam partiiaǵa júginip, 314 adamnyń máselesi sheshimin tapqan. Al "Baqytty otbasy" jobasy arqyly 38 myń turǵynǵa ataýly áleýmettik kómek kórsetý úshin 1,4 mlrd teńge bólingen.
"Qutty meken" jobasy da ilkimdi isterge muryndyq bolýda. Oblystyq jáne aýdandyq mańyzdaǵy 300 shaqyrym joldy jóndeý úshin 1,5-2 mlrd teńge qarastyryldy. Halyqty sapaly aýyzsýmen qamtý úshin 60 joba qolǵa alynbaq.
Al "Aýyl - el besigi" jobasynyń aiasynda 82 myń ga sýarmaly jerdi igerý kózdelip otyr. 2022 jylǵa deiin syrttan 36 myń bas iri qara satyp ákelinedi. Osylaisha aýyl keleshegi kemeldene túsedi" - dedi Ánýarbek Muhtarhanov.
