Astana qalasynyń ákimi Baqyt Sultanov kópbalaly jáne turmysy tómen otbasylarǵa qoldaý kórsetý sharalaryn atap ótti, dep habarlaidy "Ult aqparat" ákimdiktiń baspasóz qyzmetine silteme jasap silteme jasap.
1. Az qamtylǵan otbasylar úshin turǵyn úi kómegi ortasha eseppen 18%-ǵa artty. 2 myń otbasy kommýnaldyq qyzmetterin tóleýge kómek alady (34 mln teńge).
2. 18 jastan asqan múmkindigi shekteýli tulǵalardy kútýshiler tegin jolaqymen qamtamasyz etiledi (1,3 mlrd teńge).
3. Úide bilim alatyn múmkindigi shekteýli balalarǵa kórsetiletin kómek 25 myń teńgege deiin (6,5 AEK-ten 10 AEK) ósti (23 mln teńge).
4. Memlekettik áleýmettik tapsyrys aiasynda tegin tehnikalyq jáne kásibi bilim alýǵa qoldaý kórsetiledi (2986 adamǵa 1,5 mlrd teńge bólindi).
5. Biýdjettik uiym qyzmetkerlerine 2 myń turǵyn úi sertifakatyn berý úshin 2 mlrd teńge qarastyryldy.
6. Kópbalaly otbasynyń balalaryna, onyń ishinde mektep oqýshylary, joǵary oqý oryndary men kolledj stýdentterine tegin jolaqysy beriledi. Bul kómekti 36 myń adamdy alady. Osy qoldaýǵa biýdjetten 208 mln teńge qarastyrylady.
7. 1-11 synyptarda oqityn kópbalaly otbasynyń balalaryna mektepte tegin ystyq tamaq beriledi. Osy sanattaǵy 32 myń balaǵa 971 mln teńge bólinedi.
8. Kópbalaly jáne turmysy tómen otbasynyń balalaryna, jetim balalarǵa arnaiy saýyqtyrý demalysy uiymdastyrylady (10 myń balaǵa 500 mln teńge bólinedi);
9. Osy sanattaǵy otbasy balalary mektep formasymen jáne qajetti oqý qural-jabdyqtarymen tegin qamtamasyz etiledi (32 myń balaǵa 638 mln teńge bólinedi);
10. Kópbalaly jáne turmysy tómen otbasynyń balalary, sondai-aq, múgedek balalardyń balabaqshaǵa tegin barýyna qoldaý kórsetiledi. Osy arqyly ata-analardyń jumysqa turýyna, otbasynyń tabysyn arttyrýyna jaǵdai jasalady. Biýdjette 3,8 myń balany qamtý úshin 513 mln teńge qarastyrý kózdelgen.
11. Kópbalaly otbasydan shyqqan 180 túlekke Astanadaǵy joǵary oqý oryndarynda keń taralǵan mamandyqtar boiynsha bilim alýǵa arnaiy granttar beriledi (25 mln teńge, jylyna 500 myń teńge).
12. Kópbalaly analarǵa tis dárigeriniń qyzmeti (sanatsiia, protezdeý) tegin usynylatyn bolady. Bul kómekpen 10 myń adam qamtylyp, 404 mln teńge bólinedi.
13. Biýdjet naqtylanǵannan keiin kópbalaly otbasylar kómir alý úshin áleýmettik kómek alýshylar sanatyna qosylady (1 000 otbasyna 26,3 mln teńge bólinedi).
