Foto: ashyq derekkóz
Abai oblysynda strategiialyq mańyzy bar «Baqty – Aiagóz» temirjol jobasynyń iske asyrylý barysy talqylandy, dep habarlaidy Ult.kz.
Jumys sapary aiasynda Jánibek Taijanov Abai oblysyna baryp, oblys ákiminiń orynbasary Serik Tólenbergenov qatysýymen arnaiy keńes ótkizdi. Jiyn barysynda temirjol qurylysynyń qazirgi jaǵdaiy jáne jobaǵa qatysýshy taraptardyń jumysyn úilestirý máseleleri qaraldy.
Keńeske Qazaqstan temir joly ulttyq kompaniiasynyń, Samuryq-Qazyna qorynyń ókilderi, sondai-aq bas merdiger – China Harbour Engineering Company Ltd. kompaniiasy men jobalaýshy uiym ókilderi qatysty.
Strategiialyq mańyzy bar joba
«Baqty – Aiagóz» temirjol jelisi eldiń kólik infraqurylymyn damytýda jáne Transkaspii baǵytyndaǵy transqazaqstandyq temirjol dálizin qalyptastyrýda mańyzdy ról atqarady.
Jobanyń negizgi kórsetkishteri:
temirjoldyń jalpy uzyndyǵy – 303 shaqyrym;
11 bólek pýnkt salý josparlanǵan;
68 kópir jáne 355 sý ótkizý qubyry turǵyzylady.
Qurylys 2027 jyly aiaqtalady
Jospar boiynsha temirjol qurylysy 2027 jyldyń sońyna deiin aiaqtalýy tiis. Qazirgi ýaqytta injenerlik izdestirý jumystary tolyq aiaqtalǵan. Sonymen qatar Ai, Sholpan, Úrjar jáne Baqty ýchaskelerinde tórt vahtalyq qalashyq salynǵan.
Kólik vitse-ministri jobany belgilengen merzimde iske asyrýdyń mańyzdylyǵyn atap ótti. Onyń aitýynsha, qurylysqa qatysýshy barlyq tarap tiimdi ári úilesimdi jumys isteýi qajet.
Ministrlik málimetinshe, jobanyń júzege asýy Qazaqstan temir joly, merdiger uiymdar jáne jergilikti atqarýshy organdarmen birlesip turaqty baqylaýda.
