Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin salaǵa qatysty taraityn tanymal feikterge túsinikteme berdi, dep habarlaidy QazAqparat.
«Búgin jazdyń sońǵy kúni. Barshańyzǵa jaqsy kún tilegim keledi jáne jelide taratylatyn jalǵan aqparatqa kóńil aýdarmaýǵa keńes bergim keledi. Jumysqa kele jatyp osyndai «jańalyqtardyń» shaǵyn tizimin jasadym», - dep jazdy ol Facebook-tegi paraqshasynda.
Onyń aitýyna qaraǵanda áleýmettik jelini buǵattai vedomstvonyń kún tártibinde turǵan joq.
«Áleýmettik jelilerdi buǵattaý Tsifrlyq damý, innovatsiialar jáne aeroǵarysh ónerkásibi ministrliginiń josparynda joq jáne bolmaidy da. Muny biz byltyr da taqylaǵan bolatynbyz. Biraq bireýler sol áńgimeni biyl taǵy kóteripti», - dedi ministr.
Sondai-aq, ol uialy bailanys arqyly beriletin internettiń tariftiń ósetini týraly qaýesetke de jaýap berdi.
«Internet trafiginiń tarifteri qońyraý shalý tarifimen teńestirilmeidi. Ministrlik WhatsApp-taǵy qońyraýlar men habarlamalar úshin aqy alyp júrgen joq jáne olai bolmaidy.
Óz serverlerin Qazaqstanǵa kóshirgen domender árqashan áriptesterinen keńes alyp, kómekterine júginip, bailanysta bola alady. Bizdiń mindetimiz – el aýmaǵynda derbes derekterdiń qaýipsizdigin jáne saqtalýyn qamtamasyz etý. Qazaqstanda eshkim eshteńeni bir-aq sátte óshirip tastaiyn dep jatqan joq», - dep túiindedi Baǵdat Mýsin.
