EGov mobile mobildik qosymshasynda tsifrlyq qujattar servisi sheńberinde 800 myńnan astam paidalanýshy paidalanǵan tsifrlyq qujattardyń 15 túri iske asyryldy. Bul týraly tsifrlyq damý, innovatsiialar jáne aeroǵarysh ónerkásibi ministri Baǵdat Mýsinniń halyq aldynda esep berý kezdesýinde aitty. Ol sondai-aq tsifrlyq damý salasyndaǵy basym baǵyttar men sheshimin tapqan máselelerge toqtaldy, - dep habarlaidy «Ult aqparat».
Onyń sózinshe jeke kýálik, júrgizýshi kýáligi, týý týraly kýálik, neke qiiý týraly kýálik, tegin, atyn, ákesiniń atyn ózgertý týraly kýálik, nekeni buzý týraly kýálik, tehnikalyq pasport, COVID-19-ǵa PTR testileý nátijesi, stýdenttik bilet, diplom, zeinetker kýáligi, Kandas kýáligi, kólik quralyn tirkeý týraly kýálik, áleýmettik ID, vaktsinatsiia pasportyn EGov mobile mobildik qosymshasynda alýǵa tolyq jaǵdai jasalǵan.
Sondai-aq tsifrlyq damý, innovatsiialar jáne aeroǵarysh ónerkásibi ministri pandemiia kezeńinde HQKO men bailanys ortalyǵyna júkteme eselep artqanyn, azamattarǵa arnalǵan korporatsiia qýattylyǵyn arttyrǵannyn, sonymen qatar qazirgi kezde ortasha kútý ýaqyty 5 minýttan 100 sekýndqa deiin qysqarǵanyn jetkizdi. Alaida ministr bul bastamanyń munymen toqtamaitynyn, negizgi maqsattyń qyzmetti 30 sekýnd ishinde alýǵa jaǵdai jasaý ekenin naqty aitty.
"Biz ádemi áýenderdi tyńdap, azamattardy telefonǵa ilip qoiýǵa" májbúrlemeýimiz kerek. Azamattarǵa yńǵaily bolýy úshin memlekettik baj salyǵyn QR arqyly tóleýge bolady. Prezidenttik kadrlyq rezervtiń úlgisi boiynsha memlekettik korporatsiiada "talanttar pýly" qalyptastyryldy. Olardyń mindeti – ózgeris agentteri bolý. Búgingi tańda 350-den astam kandidat irikteýden ótti", - dedi Mýsin halyq aldynda esep berý kezdesýinde.
Baǵdat Mýsin tsifrlandyrý salasynda iske asyp jatqan jumystarǵa toqtaldy. Olar:
- Qazaqstanda jańa ulttyq joba ázirlendi.
- Eldiń aqparattyq júiesine aýdit daiyndalyp jatyr.
- Biznes-protsesterdi ońtailandyrý maqsatynda tsifrlyq transformatsiia ortalyǵy quryldy.
Bul ortalyqta halyqqa memlekettik qyzmet kórsetý kezinde memlekettik organdardyń aǵymdaǵy biznes-úderisteri zerdelenedi. Qazirgi kezde memlekettik organdardyń usynystary negizinde protsesterdi jetildirý boiynsha jumystar júrgizilip jatyr, dedi ministr.
Memleket basshysy Toqaev Úkimettiń keńeitilgen otyrysynda "Tsifrlyq servisterdiń bizdiń ómirimizge enýimen jeke derekterdiń taralyp ketý qaýpi arta túsetinin" aitty.
"Biz derbes derekterdi qorǵaýǵa qatysty zańnamalyq bastamalardy pysyqtadyq. Biz sandyq kelisim men keri bailanys printsipin engizemiz. Mysaly, HQKO/memlekettik organǵa júgingen kezde azamattyń telefonyna arnaiy kod jiberiledi, ol osy kodty jazǵannan keiin ǵana HQKO/Memlekettik organ qyzmetkerleri adamnyń jeke derekterine qol jetkize alady. Tsifrlyq kelisim/keri qaitaryp alý qaǵidatyn engizý azamattar úshin qural bolady", - dep túsindirdi Mýsin.
Aitýynsha, sol arqyly olar ózderiniń derbes derekterine qatysty óz quqyǵyn iske asyra alady, sondai-aq derbes derekterdi jinaýdyń zańdylyǵy men ashyqtyǵy qaǵidattaryn qamtamasyz etedi.
Aita keteiik, tsifrlyq damý ministrliginde bolashaq ekonomikasynyń mynadai baǵyttary shoǵyrlanǵan: tsifrlandyrý, ǵarysh, kommýnikatsiia men bailanystyń jańa túrleri, aýqymdy derekter, bultty tehnologiialar jáne IT-sala.
Esterińizge sala keteiik, EGov mobile mobildik qosymshasynda tsifrlyq qujattar servisi sheńberinde 800 myńnan astam paidalanýshy paidalanǵan tsifrlyq qujattardyń 15 túri iske asyryldy. Bul týraly tsifrlyq damý, innovatsiialar jáne aeroǵarysh ónerkásibi ministri Baǵdat Mýsinniń halyq aldynda esep berý kezdesýinde aitty. Ol sondai-aq tsifrlyq damý salasyndaǵy basym baǵyttar men sheshimin tapqan máselelerge toqtaldy.
Onyń sózinshe jeke kýálik, júrgizýshi kýáligi, týý týraly kýálik, neke qiiý týraly kýálik, tegin, atyn, ákesiniń atyn ózgertý týraly kýálik, nekeni buzý týraly kýálik, tehnikalyq pasport, COVID-19-ǵa PTR testileý nátijesi, stýdenttik bilet, diplom, zeinetker kýáligi, Kandas kýáligi, kólik quralyn tirkeý týraly kýálik, áleýmettik ID, vaktsinatsiia pasportyn EGov mobile mobildik qosymshasynda alýǵa tolyq jaǵdai jasalǵan.
