Birikken Arab Ámirlikteriniń Shardja qalasynda eki qazaqstandyq qyzdyń qaza bolǵany belgili boldy, dep habarlaidy ult.kz.
Vedomstvonyń málimetinshe, qazir oqiǵanyń mán-jaiyn BAÁ-niń jergilikti quqyq qorǵaý organdary anyqtap jatyr. Tergeý jumystaryna bailanysty ázirge qaiǵyly jaǵdaidyń naqty sebepteri jariialanǵan joq.
«Qazaqstan Respýblikasynyń Syrtqy ister ministrligi Shardja qalasynda qaza tapqan azamattarymyz A.B. jáne J.B.-nyń týǵan-týystary men jaqyndaryna kóńil aitady. SIM marqumdardyń otbasylarymen bailanysta jáne óz quzyreti sheginde qajetti kómek kórsetip jatyr», – dep habarlady ministrlik.
Týystarynyń aitýynsha, 2006 jáne 2004 jyly týǵan eki qyz Shardjada jumys istegen. Olar tamyz aiynyń sońy – qyrkúiek aiynyń basynda Qazaqstanǵa oralýdy josparlaǵan. Alaida shamamen bir apta buryn jaqyndarymen bailanysyn úzgen.
Keiin týystaryna qyzdardyń qaza bolǵany týraly habar jetken. Jergilikti quqyq qorǵaý organdary oqiǵanyń mán-jaiyn anyqtap jatyr.
Qazaqstannyń Dýbaidaǵy Bas konsýldyǵy marqumdardyń otbasylaryna konsýldyq-quqyqtyq kómek kórsetip, BAÁ quzyrly organdarymen bailanysta.
