Foto: Zakon.kz
Densaýlyq saqtaý ministri Ajar Ǵiniiat burynǵy vitse-ministr Oljas Ábishevtiń ústinen politsiiaǵa aryz jazbaǵanyn aitty, - dep habarlaidy Tengrinews.kz saity.
"Sizderdegi qate aqparat. Oǵan qarsy aryz bergem joq. Bireý meniń atymnan meniń habarymsyz jáne kelisimimsiz jeke derekterimdi paidalanyp, petitsiiaǵa qatysqan. Onda meniń jeke derekterim, sonyń ishinde JSN zańsyz paidalanyldy. Memlekettik organnyń basshysy ekenimdi jáne meniń kez kelgen málimdememdi turǵyndar Densaýlyq saqtaý ministrliginiń ustanymy dep qabyldaitynyn eskere otyryp, ony kim, qandai maqsatpen jasaǵanyn anyqtaý úshin aryz jazdym", - dep jaýap berdi ministr.
Sondai-aq, Ǵiniiatqa "burynǵy áriptesterińizdi qoldaisyz ba" degen suraq qoiyldy.
"Men óz pikirimdi aitqanmyn. Bári zań aiasynda sheshilýi kerek, biz sottyń sheshimin kútip otyrmyz", - dedi ol.
Eske salaiyq, 2022 jylǵy qazanda eks-densaýlyq saqtaý ministri Eljan Birtanov pen onyń burynǵy orynbasary Oljas Ábishevke qatysty úkim shyǵaryldy.
