Tarihta alǵash ret azamattyq kommertsiialyq ekipajben ushqan amerikalyq SpaceX kompaniiasynyń Crew Dragon ǵarysh kemesi úsh kúnde oraldy, - dep habarlaidy Tengrinews.kz.
Keme Florida jaǵalaýyndaǵy Atlant muhityna jaqsy qondy. Oqiǵanyń tikelei efiri Twitter-degi Inspiration4 missiiasynyń paraqshasynda júrgizildi.
SpaceX ǵaryshkerlerdi quttyqtap, "Jerge oralýlaryńmen" dep jazba jariialady.
Eske salaiyq, 16 qyrkúiekte SpaceX kompaniiasynyń Falcon 9 zymyran tasyǵyshy Florida shtatyndaǵy Kanaveral ǵarysh ailaǵynan ushyryldy, ol Crew Dragon kemesin orbitaǵa shyǵardy, al ekipaj músheleri tek beibit turǵyndardan turdy. Olar - joba demeýshisi kásipker Djared Isaakman, zertteýshi Siana Proktor, dáriger Heili Arsenoks jáne AQSh VVS ardageri Kristofer Sembroski.
Inspiration 4 dep atalatyn missiia qaiyrymdylyq sipatta boldy, odan túsken qarajat balalar onkologiialyq aýrýlaryna mamandanǵan St. Jude Children's Research Hospital aýrýhanasyna qarajat jinaýǵa baǵyttalǵan.
