videodan alynǵan kadr
Birqatar BAQ tanymal Resei jáne sheshen saiasatkeri Ramzan Qadyrov aýyryp qalǵanyn, sondyqtan BAÁ-niń áigili dárigeri Groznyiǵa ushyp kelgenin habarlaǵan edi. Qadyrov osy aqparatqa bailanysty Telegram-arnasynda pikir bildirdi, - dep habarlaidy Massaget.kz portaly.
Ýkrainalyq BAQ málimetinshe, keiingi ýaqytta sheshen saiasatkeriniń bet-álpeti ózgergen. Al Bild nemis basylymy málimetinshe, Qadyrovtyń búiregi aýyrady. Keiingi kezderi onyń beti men denesi isingen, tipti kózin asha almai qalǵan.
Al Qadyrovtyń aitýynsha, jurt onyń qolyndaǵy elektron duǵa eseptegishke túrli boljam jasaǵan. Keibireýler onyń meditsinalyq qurylǵy ekenin aitqan.
"Elektrondy duǵa eseptegishim qanshama pikirtalas týdyrdy jáne oǵan qandai ataý qoiylmady: dabyl túimesi, meditsinalyq qurylǵy, jumbaq qural. Barlyǵy boljap jatyr, boljap jatyr. Shynymdy aitsam, bul nusqalar kóńilimdi kóterdi. Qurmetti aǵam, Sheshenstan Respýblikasynyń ulttyq saiasat, syrtqy bailanys, baspasóz jáne aqparat ministri Ahmed Dýdaev meniń qolymdaǵy qandai qurylǵy ekenin túsindirdi, bul qurylǵyny iesi retinde men de rastaimyn. Iá, bul - elektron eseptegish. Ol oiaý kezde árqashan qolymda. Súiikti paiǵambarymyz Muhammedtiń qurmetine salaýat aitamyn. Eseptegish qansha ret salaýat aitqanymdy kórýge múmkindik beredi. Mine, barlyq - qupiia", - deidi ol.
Ramzan Qadyrov densaýlyǵyna bailanysty taraǵan aqparatty joqqa shyǵardy.
"Meni aiyqpas dertke shaldyqty degen úmitpen ózin-ózi aldaityndar, sizderdi renjitetinim ókinishti. Biraq men sap-saýmyn jáne kúsh-qýatym jetedi. Burynǵydai sportpen shuǵyldanamyn, taýǵa shyǵamyn, jaiaý serýendeimin, respýblikany damytýdyń mańyzdy máselelerin sheshemin. Menińshe, bul fantastikalyq nusqalardyń avtorlaryna dáriger kerek siiaqty. Psihikalaryńyzda birnárse bar, jigitter, mamandarǵa júginińizder", - dep jazǵan ol Jelide.
