Profilaktikalyq meditsina akademiiasynyń prezidenti Almaz Sharman "Stýdiia 7" efirinde koronavirýs juqtyryp, aiyǵyp shyqqandar qaitadan aýyryp qalatynyn aitty, - dep habarlaidy Tengrinews.kz.
Mamannyń pikirinshe, qaitara aýyrmaitynyńyzǵa eshkim de kepildik bermeidi, biraq COVID-19-ǵa qarsy vaktsina saldyrǵandar aýrýdy jeńil ótkeredi.
"Qazir jurt juqtyryp, aýyryp jatqan aýrý - byltyrǵyǵa qaraǵanda múldem basqa túri. Koronavirýsqa qarsy immýndyq qorǵanys delta-nusqaǵa kelgende asa tiimdi emes", - dedi professor.
Almaz Sharmannyń aitýynsha, qaitalap aýrýdyń basty sebebi - virýstyń úzdiksiz mýtatsiiasy.
"Bul protsess selektsiialyq qysymmen, vaktsinatsiia protsesinen qarqyn alady. Virýs tyǵyryqqa tirelgenin túsindi, vaktsinadan jaltarý, biraq bul jaǵdaida ol juǵý qabiletinen aiyrylady. OAR men Braziliiada anyqtalǵan beta jáne gamma-nusqalar osyndai boldy. Olar vaktsinaǵa tótep bere aldy, biraq asa juqpaly bolmady", - deidi maman.
Al buǵan deiin Tsiýrih joǵary tehnikalyq mektebiniń immýnology Sai Reddi 2022 jyly koronavirýs shtamdar men mýtatsiiany damyta alady dep boljaǵan, bul qazirgi deńgeiden de jaǵymsyz bolady-mys. Immýnologtyń aitýynsha, qazirdiń ózinde bar delta shtamy COVID-19-ǵa qaraǵanda áldeqaida juqpaly, sondyqtan vaktsina almaýdy uiǵarǵandardyń bári bir kúni báribir juqtyrady.
