QR Bilim jáne ǵylym ministri Ashat Aimaǵambetov muǵalimder qaýymyn Ustazdar kúnimen quttyqtady, dep habarlaidy QazAqparat.
«Qymbatty áriptester! Sizderdi kele jatqan tól merekelerińizben, kásibi merekelerińizben shyn júrekten quttyqtaimyn. Uly aǵartýshy pedagog Ybyrai Altynsarin: «Men úshin jaqsy muǵalim bárinen de qymbat. Óitkeni ol – mekteptiń júregi», - degen eken. Bizde ár túrli záýlim mektepter, záýlim ǵimarattar, qurylǵylar bolýy múmkin. Biraq bizge, eń bastysy, óz jumysyn súietin jáne jan-jaqtan qorǵalǵan muǵalimder qajet», - dedi ministr Baq.kz saitynyń «Jelmaia» jobasynda.
Ashat Aimaǵambetov ózi basqaratyn vedomstvonyń muǵalim múddesin qorǵaý jolynda ári qarai da tynbai jumys isteitinin aitady.
«Memleket basshysynyń úlken qoldaýynyń arqasynda zań qabyldandy, qazir úlken jumys júrgizilip jatyr. Sizderdi osy merekemen quttyqtai otyryp, qajymas qairat, shyǵarmashylyq tabys tileimin. Denderińiz saý bolsyn! Óz-ózderińizdi árdaiym qoldap júrińizder. Kóńil kúilerińiz árqashan kóterińki bolsyn. Merekelerińiz qutty bolsyn!», - dedi Bilim jáne ǵylym ministri.
