Bilim mekemelerindegi pedagogterdiń 93,1 paiyzy koronavirýsqa qarsy vaktsina aldy. Bul týraly búgin Úkimet otyrysynda QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«9 tamyzdaǵy jaǵdai boiynsha, bilim mekemelerindegi pedagogterdiń 93,1 paiyzy jáne basqa qyzmetkerlerdiń 88,4 paiyzy koronavirýsqa qarsy vaktsina aldy. Stýdentterdiń vaktsina alýyn yntalandyrý boiynsha ýniversitetter arnaiy is-sharalardy iske asyryp jatyr. Oqý aqysyn tómendetý, aqysyz kýrstar uiymdastyrý, joldamalar men baǵaly syilyqtar berý siiaqty bastamalar ýniversitetterde keńinen qoldanylýda», - dedi Ashat Aimaǵambetov.
Ministrdiń dereginshe, jańa oqý jylynda pedagogterdiń qataryn 12 myńnan astam jas maman tolyqtyrady. Olardyń basym bóligi Aqtóbe, Túrkistan, Jambyl oblystarynda jumysqa kirisedi.
«Jańa oqý jylyndaǵy 1-synyptyń boljamdy kontingenti 380 myń bala bolady dep esepteimiz. Onyń 97 paiyzy elektrondy túrde 1 tamyzǵa deiin qujattaryn tapsyrdy», - dedi ol.
